ទស្សនកិច្ចនៅភូមារបស់ព្រឹទ្ធសមាជិកអាមេរិកាំងដ៏មានឥទ្ធិពល
លោកប្រធាននៃក្រុមព្រឹទ្ធសមាជិកអាមេរិកាំងរបស់បក្សសាធារណរដ្ឋ Mitch McConnelកំពុងបំពេញទស្សនកិច្ចនៅប្រទេសភូមា។ លោកបាននិយាយអះអាងថា អាមេរិកនឹងសើរើពិនិត្យមើលឡើងវិញទណ្ឌកម្មដែលត្រូវបានដាក់ទៅលើប្រទេសភូមាតាំងពីទសវត្សរ៍ទី៩០មកម្ល៉េះ បើសិនជាភូមាបន្តកំណែទម្រង់នយោបាយក្នុងគោលដៅបោះជំហានទៅរកលទ្ធិប្រជាធិបតេយ្យ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៤
«កំណែទម្រង់នៅភូមា ពិតជាមានប្រកែកមិនបាន»។ នេះគឺជាពាក្យសំដីរបស់ប្រធាននៃក្រុមព្រឹទ្ធសមាជិកអាមេរិកាំងរបស់បក្សសាធារណរដ្ឋ លោកMitch McConnel នាឱកាសសន្និសីទសារព័ត៌មានមួយក្នុងថ្ងៃនេះនៅទីក្រុងណៃពីដ៏ប្រទេសភូមា។ លោក Mitch McConnel ដែលគេស្គាល់ថាជាអ្នករឹងរូសខ្លាំងខាងប្រឆាំងនឹងរបបភូមា បានអញ្ជើញទៅភូមា ដើម្បីពិនិត្យមើលកំណែទម្រង់នយោបាយនៃប្រទេសនេះ នារយៈពេលជាងមួយឆ្នាំចុងក្រោយនេះ។
លោកព្រឹទ្ធសមាជិកអាមេរិកាំងដ៏មានឥទ្ធិពលរូបនេះ ដែលបានជួបជាមួយនឹងលោកស្រីប្រមុខបក្សប្រឆាំងអុង សាន់ស៊ូជីនិងជាមួយថ្នាក់ដឹកនាំថ្មីនៃទីក្រុងណៃពីដ៏ បានគូសបញ្ជាក់ថា គឺជាលើកទីមួយបង្អស់ហើយដែលលោកមានសុទិដ្ឋិនិយមនៅចំពោះមុខការប្រែប្រួលនៅភូមា។
លោក Mitch McConnel បានព្រលយមាត់និយាយទៀតថា «បើសិនជាភូមាទៅឆ្ងាយជាងនេះ នៅក្នុងអភិក្រមនៃកំណែទម្រង់នយោបាយរបស់ខ្លួន អាមេរិកនឹងសើរើពិនិត្យមើលឡើងវិញ ទណ្ឌកម្មដែលត្រូវបានដាក់ទៅលើប្រទេសនេះ» តាំងពីទសវត្សរ៍ទី៩០មកម្ល៉េះ។ សូមជម្រាបថា គឺសភាអាមេរិកាំងទេតើ ហើយមិនមែនរដ្ឋាភិបាលអាមេរិកាំងទេ ដែលមានសិទ្ធិលើកទណ្ឌកម្មសេដ្ឋកិច្ចចេញពីប្រទេសភូមា។
សូមជម្រាបថា អ្នកដឹកនាំបស្ចិមលោកបានបន្តកន្ទុយគ្នាធ្វើដំណើរទៅកាន់ប្រទេសភូមា ប៉ុន្មានសប្តាហ៍ចុងក្រោយនេះ ពីព្រោះជាងមួយឆ្នាំកន្លងមកហើយដែលរបបថ្មីនៃទីក្រុងណៃពីដ៏ ដឹកនាំដោយប្រធានាធិបតីធេន សេនបានធ្វើកំណែទម្រង់នយោបាយស៊ីជម្រៅ
មិនដែលមានឡើយ មកទល់ពេលនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ