សង្គមស៊ីវិលបន្តស្វែងរកអនុសាសន៍បើទោះជាសេចក្តីព្រាងច្បាប់ស្តីពីគ.ជ.ប រំកិលទៅមុខ
ចុះផ្សាយនៅថ្ងៃ៖
ស្តាប់ - ០៩:៤១
ទាក់ទងទៅនឹងសេចក្តីព្រាងសេចក្តីស្នើច្បាប់ស្តីពី ការរៀបចំនិងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត(គ.ជ.ប) ដែលរួមមាន៧ជំពូក និង៦៦មាត្រា ត្រូវបានអង្គការសង្គមស៊ីវិលលើកមកជជែកគ្នាបន្តកាលពីម្សិលមិញ ដើម្បីស្វែងរកអនុសាសន៍ផ្តល់ជូនគណបក្សជាប់ឆ្នោតទាំងពីរដែលបានចំណាយពេលជាច្រើនសប្តាហ៍បង្កើតសេចក្តីព្រាងច្បាប់នេះឡើង។ សម្ព័ន្ធកំណែទម្រង់ ការបោះឆ្នោត និងអង្គការសង្គមស៊ីវិល បានលើកយកចំណុចចំនួន៦ ដែលទាញចេញពីសេចក្តីព្រាងច្បាប់ មកដាក់ជាប្រធានបទពិភាក្សាក្នុងនោះមាន ការបង្កើនប្រសិទ្ធភាព និងពង្រឹងស្វយ័ត គ.ជ.ប សមត្ថកិច្ចនិងតួនាទី គ.ជ.ប តម្លាភាព និងជម្រះមន្ទិលសង្ស័យនានា ស្វយ័តភាពថវិកា សមាសភាព គ.ជ.ប និងល័ក្ខខ័ណ្ឌសញ្ជាតិជាដើម។