ADB គាំទ្រអង្គការដែលរដ្ឋាភិបាលបន្ទោស
ធនាគារអភិវឌ្ឍន៍អាស៊ីADB ថ្លែងថាខ្លួនគាំទ្រសកម្មភាពការងាររបស់អង្គការមួយចំនួនដែលទទួល បានការគាំទ្រពីADBដើម្បីធ្វើការងារលើការតាមដានគម្រោងកែលម្អ ផ្លូវរថភ្លើង។ សេចក្តីថ្លែងការណ៍របស់ធនាគារADBធ្វើឡើងបន្ទាប់ពីស្ថាប័នផ្តល់ ជំនួយមួយនេះទទួលបានព័ត៌មានអំពីការផ្អាកសកម្មភាពរបស់សមាគមធាង ត្នោត និងអង្គការអន្តរជាតិBridge Across Borders Cambodiaដែលត្រូវក្រសួងការបរទេសកោះហៅអោយចូលជួប។ អង្គការទាំងពីរគឺជាអ្នកតាមដានលើតម្រូវការគ្រួសារដែលរងផលប៉ះពាល់ពីគម្រោងកែលម្អផ្លូវរទេះភ្លើង។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៦
សមាគមធាងត្នោតត្រូវបានផ្អាកសកម្មភាពរយៈពេល៥ខែ។ អង្គការក្រៅរដ្ឋាភិបាលអន្តរជាតិមួយទៀតឈ្មោះ Bridge Across Boders Cambodia BABC ត្រូវបានកោះហៅអោយចូលរួមប្រជុំជាមួយអង្គការមួយចំនួនទៀតនៅក្រសួងការបរទេសកាលពីថ្ងៃទី១៨សីហា។ អង្គការទាំងពីរនេះគឺជាអ្នកតាមដានការអនុវត្តគម្រោងកែលម្អផ្លូវដែកកម្ពុជាដែលគាំទ្រដោយធនាគារអភិវឌ្ឍន៍អាស៊ីADB។
ADBបានអះអាងនៅក្នុងសេចក្តីថ្លែងការណ៍របស់ខ្លួនមួយនៅថ្ងៃទី១៩សីហានេះថា ចាប់តាំងពីមានការចាប់ផ្តើមគម្រោងផ្លូវរថភ្លើងមក សមាគមធាងត្នោតនិងអង្គការBABCបានផ្តល់ព័ត៌មានសំខាន់ៗអំពីការវិវត្តនៃការតាំងទីលំនៅថ្មីដែលជួយបង្ហាញពីតម្រូវការរបស់គ្រួសារដែលរងផលប៉ះពាល់ពីគម្រោងអោយក្រុមការងារទទួលបន្ទុកកិច្ចការតាំងទីលំនៅថ្មីនៃគម្រោងផ្លូវរថភ្លើង។
នៅក្នុងសេចក្តីថ្លែងការណ៍របស់ខ្លួន ADBមិនបានអត្ថាធិប្បាយសោកស្តាយចំពោះអ្វីដែលបានកើតលើអង្គការទាំងពីរនេះទេ។ ប៉ុន្តែADB អះអាងថា ធនាគារប្តេជ្ញាពេញទំហឹងក្នុងការធ្វើការជាមួយអង្គការក្រៅរដ្ឋាភិបាល និងរដ្ឋាភិបាលកម្ពុជា ដើម្បីធានាថាគោលនយោបាយស្តីពីការការពារសង្គមនិងបរិស្ថានត្រូវបានអនុវត្តក្នុងអំឡុងពេលនៃការអនុវត្តគ្រប់គម្រោងទាំងអស់ដែលគាំទ្រដោយADB។ ADBបន្តថាខ្លួនសង្ឃឹមថាអង្គការក្រៅរដ្ឋាភិបាលនឹងត្រូវបានអនុញ្ញាតអោយបន្តការងាររបស់ពួកគេលើគម្រោងកែលម្អផ្លូវរថភ្លើង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ