តើសិទិ្ធសេរីភាពក្នុងការបញ្ចេញមតិរបស់ពលរដ្ឋនៅកម្ពុជាកាន់តែរួមតូច?
ចុះផ្សាយនៅថ្ងៃ៖
ស្តាប់ - ១៣:៥៤
សិទ្ធិសេរីភាពក្នុងការបញ្ចេញមតិរបស់ពលរដ្ឋខ្មែរត្រូវបានធានាដោយច្បាប់ត្រង់មាត្រា៤២ក្នុងរដ្ឋធម្មនុញ្ញនៃព្រះរាជាណាចក្រកម្ពុជា។ តែអ្នកតាមដានសង្គមយល់ថា សិទ្ធិសេរីភាពបញ្ចេញមតិរបស់ពលរដ្ឋ អ្នកនយាបាយ និងបណ្តាអង្គការសង្គមស៊ីវិលបានទទួលរងការរឹតត្បិតនៅក្រោមអំណាចរបស់បុគ្គលមួយក្រុម។ តាមអ្នកតាមដានសង្គម អ្នកនយោបាយ សកម្មជនបក្សប្រឆាំង និងអង្គការសង្គមស៊ីវិលដែលនិយាយប៉ះពាល់ដល់បុគ្គលអ្នកមានអំណាច ឬស្ថាប័នណាមួយតែងរងពាក្យបណ្តឹងពីបទបរិហាកេរ្តិ៍ ឬបទញុះញង់។ អ្វីដែលអ្នកតាមដានសង្គមចង់បាន គឺចង់ឲ្យពលរដ្ឋខ្មែរគ្រប់ស្រទាប់វណ្ណៈ និងគ្រប់និន្នាការចេះយោគយល់ អធ្យាស្រ័យ និងសាមគ្គីគ្នាដើម្បីតម្កល់ផលប្រយោជន៍ជាតិជាធំដោយមិនត្រូវយកខ្មែរណាម្នាក់ជាសត្រូវ។