បទយកការណ៍
សម្តែងសិល្បៈដើម្បីការអភិរក្ស និងធ្វើជាផលិតផលទេសចរណ៍នៅភ្នំពេញ
ចុះផ្សាយនៅថ្ងៃ៖
ស្តាប់ - ០៨:៥៧
ចាប់ពីពេលនេះទៅ នៅរៀងរាល់ល្ងាចថ្ងៃសុក្រ នៅក្នុងបរិវេណមហោស្រពចតុមុខ នឹងមានការសម្តែងសិល្បៈជាប្រចាំ រយៈពេលជាងមួយម៉ោង។ ការបង្ហាញទស្សនីយភាពនេះ ត្រូវបានរៀបចំរួមគ្នា ដោយសមាគមទីភ្នាក់ងារទេសចរណ៍កម្ពុជា និងនាយកដ្ឋានសិល្បៈ និងទស្សនីយភាពនៃក្រសួងវប្បធម៌។ ការរៀបចំការសម្តែងនេះ ធ្វើឡើងក្នុងគោលបំណងធំ២៖ ទីមួយ គឺ ដើម្បីអភិរក្ស និងផ្សព្វផ្សាយសិល្បៈបុរាណខ្មែរ និងទីពីរ គឺ ដើម្បីបង្កើតជាផលិតផលទេសចរណ៍មួយ សម្រាប់អ្នកទេសចរបរទេស ដែលបើតាមបទពិសោធន៍កន្លងមក ពួកគេចូលចិត្តការសម្តែងសិល្បៈប្រពៃណី បុរាណ។
