ទស្សនកិច្ចថ្នាក់រដ្ឋបំពេញដោយលោកប្រធានាធិបតីរុស្ស៊ីពូទីននៅរដ្ឋធានីតួគី
ជាលទ្ធផលនៃកិច្ចចរចាដែលបានប្រព្រឹត្តទៅរសៀលថ្ងៃទី១ធ្នូ អស់ជាង៣ម៉ោង នៅក្រុងអង្ការ៉ារវាងលោកប្រធានាធិបតីរុស្ស៊ី ពូទីន និងលោកប្រធានាធិបតីតួគី អ៊ែរដូហ្កាន គូភាគី បានចុះហត្ថលេខាលើឯកសារចំនួន៨ច្បាប់ដែលក្នុងនោះមានលើវិស័យថាមពល បូកទាំងថាមពលបរមាណូ វិស័យពាណិជ្ជកម្ម សេដ្ខកិច្ច ផ្នែកគាំទ្រដល់ធុរៈកិច្ច វិនិយោគ និង ផ្នែកសុខាភិបាល។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣០
ថ្លែងល្ងាចមិញក្នុងសន្និសីទកាសែត បូកសរុបតុល្យាការនៃកិច្ចចរចា លោក ប្រធានាធិបតីរុស្ស៊ីពូទីន បានឲ្យដឹងថា ភាគីរុស្ស៊ី ត្រៀមបង្កើនបរិមាណឧស្ម័នធម្មជាតិ បង្ហូរ ទៅកាន់ប្រទេសតួគី ពី២៧.០០០លានម៣សព្វថ្ងៃ ដែលស្មើនឹង៦០% នៃបរិមាណឧស្ម័ន នាំចូលតួគី ឲ្យបានដល់ ៣០.០០០លានម៣ ក្នុង១ឆ្នាំ។ មិនតែប៉ុណ្ណោះ តាមប្រសាសន៍ លោកពូទីន ចាប់ពីថ្ងៃទី១មករាឆ្នាំក្រោយឆ្នាំ២០១៥ទៅ រុស្ស៊ីនឹងបញ្ចុះ អស់៦% ថ្លៃនៃឧស្ម័ន ដែលរុស្ស៊ី លក់ទៅឲ្យតួគី។ បញ្ចុះនេះ គឺ យោងទៅតាមសំណូមពររបស់ក្រុង អង្ការ៉ា។
តាមលោកពូទីន រុស្ស៊ីពីចំណែកខ្លួនសង្ឃឹមថា រដ្ឋាភិបាលតួគីនឹងបន្ទាបពន្ធហូតពី ប្រាក់ ចំណេញពីវិនិយោគសរុបទៅក្នុងទំហំដល់២០.០០០លានដុល្លារដែល រុស្ស៊ីបញ្ចូលទៅក្នុងការ សាងសង់ក្នុងរយៈពេល១០ឆ្នាំទៅមុខ នៅតួគីជាស្ថានីយអគ្គិសនីបរមាណូ ដែលមាន៤ រ៉េអាក់ទ័រនុយក្លេអ៊ែរ នីមួយៗកម្លាំង ១.០០០ មេហ្កាវ៉ាត់។ ម៉ូស្គូប្រាថ្នាឲ្យក្រុងអង្ការ៉ា បន្ទាប ពន្ធនេះ ពី២០%មកនៅត្រឹម២%។
ត្រង់ចំណុចនេះ គួរនិយាយថាស្របនឹង “អនុស្សរណៈចុះរវាង ក្រសួងថាមពលតួគី និងស្ថាប័នរដ្ឋរុស្ស៊ីខាងសង់់ស្ថានីយអគ្គិសនីបរមាណូ នៅបរទេស ហៅកាត់ថា RosAtom ” ដោយថ្លែងក្នុង សន្និសីទកាសែតនោះ លោកប្រធានាធិបតីតួគី អ៊ែរដូហ្កាន បានបង្ហើបឲ្យដឹងថា ភាគីតួគី បញ្ជូនវិស្វករខ្លួន ចំនួន២០០នាក់ទៅទទួលការបណ្តុះបណ្តាលនៅរុស្ស៊ី សម្រាប់ធ្វើការ ក្នុង អនាគតស្ថានីយអគ្គិសនីបរមាណូ នៅតួកគី។
ស្តីអំពី កិច្ចព្រមព្រៀងផ្នែកពាណិជ្ជកម្ម គូភាគី សម្រេចថា បង្កើនឲ្យបាន៣ដងតែម្តង ទំហំ ផ្តោះប្តូរពាណិជ្ជកម្ម ដែលក្នុងឆ្នាំមុន បានមានទឹកប្រាក់៣២.៧០០លានដុល្លារ ឲ្យវាត់ដល់ ១០០.០០០លានដុល្លារទៅទល់់ឆ្នាំ២០២០។ ស្ទុះឡើងនេះ ដោយសារតួកគី មិនព្រមដាក់ ទណ្ឌកម្ម ប្រឆាំងរុស្ស៊ី ទៅតាមការទាមទាររបស់សហភាពអឺរ៉ុប និង ស.រ.អា.ឡើយ ហើយក៏ ទទួលភ្លើងខៀវពីម៉ូស្គូពង្រីកការនាំកសិផលនិងសាច់ ចូលប្រទេសរុស្ស៊ី ជំនួស កន្លែងទំនេរ របស់ពួកប្រទេសក្នុងបស្ចិមលោកដែលរងចម្លើយបកវិញពីខាងរុស្ស៊ី។ តាមប្រព័ន្ធផ្សព្វផ្សាយ នៅទីនេះតួកគី អាចនឹងក្លាយទៅជាដៃគូពាណិជ្ជកម្មទី១របស់រុស្ស៊ី វ៉ាប្រទេសអាល្លឺម៉ង់ទៅផង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ