តុលាការអាមេរិក កាត់ទោសក្រុមហ៊ុនថ្នាំសម្លាប់សត្វល្អិតមួយ ឲ្យសង២៩០លានដុល្លារ ទៅឲ្យអ្នកថែសួនម្នាក់
ពីថ្ងៃសៅរ៍ទី១១សីហា តុលាការអាមេរិក នៅ San Francisco បានកាត់ទោសក្រុមហ៊ុន Monsanto ដែលផលិតថ្នាំសម្លាប់សត្វល្អិត ម៉ាក់ Roundup (រ៉ោនដាប់) ឲ្យសងប្រាក់ចំនួន២៩០លានដុល្លារ ទៅឲ្យបុរសអ្នកថែសួនច្បារម្នាក់។ បុរសរូបនេះ បានប្តឹងទៅតុលាការនៅឆ្នាំ២០១៥ ក្រោយពីកើតជំងឺមហារីក ដែលគាត់បានអះអាងថា ដោយសារតែបានប្រើថ្នាំសម្លាប់សត្វល្អិត ម៉ាក់ Roundup នេះ ជាច្រើនឆ្នាំមកហើយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៨
ចៅក្រមអាមេរិក បានកាត់ទោសក្រុមហ៊ុន Monsanto ដែលផលិតថ្នាំសម្លាប់សត្វល្អិត ដោយមិនបានប្រាប់ពីគុណវិបត្តិដ៏គ្រោះថ្នាក់របស់ថ្នាំ ទៅដល់អតិថិជន។ សេចក្តីសម្រេចរបស់ចៅក្រមអាមេរិក គឺដោយផ្អែកលើការសិក្សាវិទ្យាសាស្ត្រ ប្រមាណជា៨០០ករណីសិក្សា ដែលបានស្រាវជ្រាវដោយ ទីភ្នាក់ងារបរិស្ថានអាមេរិក និងភ្នាក់ងារសិក្សាពីជំងឺមហារីក ដែលជាស្ថាប័ន មានទំនាក់ទំនងជាមួយនឹង អង្គការសុខភាពពិភពលោក។ តាមការសិក្សាទាំងនោះ បានបង្ហាញថា សម្លាប់សត្វល្អិត ម៉ាក់ Roundup ដែលគេយកទៅបាញ់ដំណាំ ឬបាញ់សម្លាប់សត្វល្អិតនោះ គឺពិតជាមានគ្រោះថ្នាក់ ហើយដែលអាចបង្កឲ្យកើតជំងឺមហារីកពិតមែន។
ក៏ប៉ុន្តែ អ្នកតំណាងក្រុមហ៊ុន Monsanto ពីប្រទេសអាល្លឺម៉ង់ បានច្រានចោលហេតុផលរបស់តុលាការអាមេរិក ដោយលើកឡើងថា មុននឹងបញ្ចេញឲ្យលក់នៅទីផ្សារ ក្រុមហ៊ុនក៏បានសិក្សាពីផលប៉ះពាល់ដែរ។ ចៅក្រមអាមេរិកយល់ច្រឡំហើយ។ តំណាងក្រុមហ៊ុន បញ្ចាក់ទៀតថា ថ្នាំសម្លាប់សត្វល្អិត ម៉ាក់ Roundup របស់ក្រុមហ៊ុនលាប់សវ្្មដេលអាចបង្កគ្រួអាហ្សង់ទីន ចៅហ្វាយក្រុងមួយចំនួន បានចេញបំរាមហាមដាច់ មិនឲ្យនាំចូលទំនិញយាឈប់ប្រើថ្នាំខ្លួន គ្មានបង្កការគ្រោះថ្នាក់ដូចគេចោទនោះទេ។
សូមរម្លឹកថា កាលពីឆ្នាំ២០០៩ តុលាការវិនិច្ឆ័យ របស់បារាំង ក៏បានធ្លាប់កាត់ទោសក្រុមហ៊ុននេះ រួចម្តងដែរ ពីបទឃោសនាផ្សព្វផ្សាយបោកប្រាស។ តុលាការជាន់ខ្ពស់បារាំង បានតម្រូវឲ្យក្រុមហ៊ុនសងប្រាក់១ម៉ឺន៥ពាន់អឺរ៉ូ។ ហើយកាលពីឆ្នាំ២០១៧ ចៅក្រមបារាំង ក៏បានស្នើឲ្យសហភាពអឺរ៉ុបពិចារណាចំពោះសារធាតុដែលអាចបង្កគ្រោះថ្នាក់នេះដែរ។
នៅប្រទេសបារាំង អាជ្ញាធរបានសន្យាឈប់ឲ្យប្រើថ្នាំនេះ នៅរវាង៥ឆ្នាំខាងមុខ។ នៅប្រទេសផ្សេងទៀត បានហាមឃាត់ មិនឲ្យនាំចូលថ្នាំសម្លាប់សត្វល្អិត ម៉ាក់ Roundup ដែលផ្ទុកសារធាតុ គ្លីហ្វូសាត នេះឡើយ។ ប្រទេសទាំងនោះ មានស្រីលង្កា និងសាវ៉ាដ័រ ជាដើម។ នៅប្រេស៊ីល តុលាការឧទ្ធរហ៍កំពុងបន្តនីតិវិធីចំពោះករណីនេះ។ ចំណែកនៅអាហ្សង់ទីន ចៅហ្វាយក្រុងមួយចំនួន បានចេញបំរាមហាមដាច់ មិនឲ្យនាំចូលថ្នាំកសិកម្មដែលផ្ទុកសារធាតុ គ្លីហ្វូសាត នោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ