ប្រធានាធិបតីអ៊ុយក្រែនប្រកាសថា នឹងរៀបចំការបោះឆ្នោតប្រធានាធិបតី មុនកាលកំណត់
នៅថ្ងៃសុក្រនេះ អំពើហិង្សានៅតែបន្តមាននៅទីក្រុងគៀវ។ ក្រុមបាតុករបានបាញ់ទៅលើក្រុមប៉ូលិស ហើយប៉ូលិសក៏បានតបតវិញផងដែរ។ តាំងពីថ្ងៃអង្គារមក មនុស្សយ៉ាងហោច៧៥នាក់ បានស្លាប់ក្នុងការប៉ះទង្គិចហិង្សា។ នៅថ្ងៃសុក្រនេះ ក្នុងការស្វែងរកដំណោះស្រាយវិបត្តិ ប្រធានាធិបតីយ៉ានូកូវិចបានយល់ព្រមអោយមានកំណែទម្រង់រដ្ឋធម្មនុញ្ញ និងបានប្រកាសពីការរៀបចំការបោះឆ្នោតប្រធានាធិបតីមុនកាលកំណត់។ ប៉ុន្តែប្រធានាធិបតីយ៉ានូកូវិចបានប្រាប់ថានឹងប្រើច្បាប់ឆ្នាំ២០០៤ ដែលក្រុមបាតុករទាមទារអោយលុបចោលនោះ តែលោកយ៉ានូកូវិចយល់ព្រមកាត់បន្ថយអំណាចប្រធានាធិបតី។
ចុះផ្សាយនៅថ្ងៃ៖
ស្តាប់ - ០១:៣២
នៅថ្ងៃសុក្រនេះ អំពើហិង្សាបានបន្តវាយប្រហារនៅទីក្រុងគៀវ ប្រទេសអ៊ុយក្រែន។ យោងតាមប៉ូលិស ក្រុមបាតុករបានបាញ់សំដៅលើក្រុមប៉ូលិស ដោយបានព្យាយាមចូលទៅក្នុងសភាអ៊ុយក្រែន ហើយប៉ូលិសក៏បានតបតទៅវិញផងដែរ។ ចំពោះវិបត្តិអ៊ុយក្រែននៅពេលនេះ សហភាពអឺរ៉ុប កំពុងតែរង់ចាំអោយមានការចុះហត្ថលេខាលើកិច្ចព្រមព្រៀងរយៈពេលបណ្តោះអាសន្នមួយ សំដៅបញ្ចប់អំពើហិង្សា និងវិបត្តិនយោបាយអ៊ុយក្រែន។
ម្សិលមិញនេះ រដ្ឋមន្ត្រីការបរទេសបារាំងនិងប៉ូឡូញ បានជួបចរចា អឺរ៉ុប ជាមួយរដ្ឋាភិបាលនិងមេដឹកនាំក្រុមប្រឆាំងអ៊ុយក្រែន។ ការពិភាក្សាផ្តោតលើការបញ្ចប់អំពើហិង្សា ការបង្កើតរដ្ឋាភិបាលអន្តរកាល ការរៀបចំការបោះឆ្នោតមុនកាលកំណត់ រួមទាំងរដ្ឋធម្មនុញ្ញអ៊ុយក្រែន ដែលជាដើមហេតុនៃការផ្ទុះអំពើហិង្សាកាលពីថ្ងៃអង្គារនោះដែរ។ ក្នុងរដ្ឋធម្មនុញ្ញ ក្រុមប្រឆាំងអ៊ុយក្រែនបានទាមទារអោយលុបចោលច្បាប់គ្រឹះឆ្នាំ២០០៤។ កិច្ចព្រមព្រៀងដែលសហភាពអឺរ៉ុបរង់ចាំអោយមានការចុះហត្ថលេខានៅពេលនេះ គឺជាកិច្ចព្រមព្រៀងផ្តោតលើកំណែទម្រង់រដ្ឋធម្មនុញ្ញ និងការរៀបចំការបោះឆ្នោតប្រធានាធិបតីនិងសភា។ ថ្ងៃខែនៃការបោះឆ្នោតនេះ នៅមិនទាន់គេកំណត់ចេញនៅឡើយទេ។
រដ្ឋមន្ត្រីការបរទេសអឺរ៉ុបបានជួបប្រជុំគ្នា ម្សិលមិញនៅក្រុងព្រុចសែល និងបានសម្រេចថានឹងដាក់ទណ្ឌកម្មប្រឆាំងអ្នកទទួលខុសត្រូវដែលបង្កអោយអ៊ុយក្រែនធ្លាក់ក្នុងអំពើហិង្សា។ អនុប្រធានាធិបតីអាមេរិក ចូ បៃដិន វិញ បានព្រមានប្រធានាធិបតីអ៊ុយក្រែន ថាអាមេរិកត្រៀមខ្លួននឹងដាក់ទណ្ឌកម្មលើអ្នកទទួលខុសត្រូវក្នុងអំពើហិង្សានៅអ៊ុយក្រែន ដែលបានវាយប្រហារក្រុមបាតុករនៅទីក្រុងគៀវ។ អាមេរិកបានបង្ខំអោយលោកយ៉ានូកាវិច ដកទ័ពនិងប៉ូលិសចេញពីហេតុការណ៍ក្នុងស្រុក។
អង្គការអូតង់បាន ថ្កោលទោសអំពើហិង្សាបង្ហូរឈាមនៅទីក្រុងគៀវ ហើយបានអំពាវនាវអោយកងទ័ពអ៊ុយក្រែន ចៀសវាងការធ្វើអន្តរាគមន៍ និងស្ថិតនៅអោយឆ្ងាយពីវិបត្តិនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ