ការពិសោធន៍នៃវ៉ាក់សាំងបង្ការរោគនៅប្រទេសថៃបានផ្តល់ព័ត៌មានសំខាន់ៗជាច្រើន
ការពិសោធន៍លើកទីមួយដោយប្រើវ៉ាក់សាំងបង្ការរោគអេដស៍នៅប្រទេសថៃ បានហុចចេញព័ត៌មានសំខាន់ៗជាច្រើន ពាក់ព័ន្ធនឹងប្រព័ន្ធការពារខ្លួន។ នេះជាលទ្ធផលនៃការសិក្សាវិភាគដែលបានផ្សាយឲ្យដឹងនៅថ្ងៃពុធទី៤មេសាឆ្នាំ២០១២នៅសហរដ្ឋអាមេរិក។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៣
បើយោងតាមការប្រមាណដែលបានផ្សាយឲ្យដឹងនៅឆ្នាំ២០០៩ ៣១,២%នៃអ្នកដែលបានទទួលការចាក់ថ្នាំបង្ការរោគអេដស៍ដោយប្រើផលិតផលដែលគេបានឲ្យឈ្មោះថា “RV144” បានបង្ហាញឲ្យឃើញថា អ្នកទាំងនោះមានអត្រាហានិភ័យតិចបំផុតអាចនឹងប៉ះពាល់ឬទទួលចម្លងដោយមេរោគ VIH ។
អ្នកស្រាវជ្រាវបានយកឈាមរបស់អ្នកដែលបានទទួលការចាក់ថ្នាំបង្ការរោគអេដស៍ដោយប្រើផលិតផល “RV144” មកធ្វើការវិភាគដើម្បីសិក្សាឲ្យដឹងពីការវិវឌ្ឍន៍នៃប្រព័ន្ធការពារខ្លួន។
អ្នកស្រាវជ្រាវបានរកឃើញ មានការឆ្លើយតបខុសៗគ្នាពី anticorps ដោយអាស្រ័យទៅលើកម្រិតនៃការទទួលចម្លងរោគអេដស៍។
គួរកត់សម្គាល់ថា លទ្ធផលនៃការពិសោធន៍ទៅលើថ្នាំវ៉ាក់សាំងបង្ការរោគអេដស៍ដែលបានប្រព្រឹត្តទៅលើមនុស្សពេញវ័យជាង១៦ ០០០នាក់នៅប្រទេសថៃ បានត្រូវផ្សាយឲ្យដឹងនៅខែតុលាឆ្នាំ២០០៩ដោយ New England Journal of Medecine ក៏ដូចគ្នាអ៊ីចឹងដែរ New England Journal of Medecine បានផ្សាយឲ្យដឹងពីលទ្ធផលនៃការសិក្សាពិសោធន៍ថ្មីនេះនៅថ្ងៃទី៥មេសាឆ្នាំ២០១២នេះ។
“ដោយសិក្សាទៅលើករណីអ្នកដែលមានផ្ទុកមេរោគអេដស៍ប្រៀបផ្ទឹមទៅនឹងអ្នកដែលគ្មានផ្ទុកមេរោគអេដស៍ អ្នកស្រាវជ្រាវបានរកឃើញសញ្ញាសំខាន់ៗជាច្រើនពាក់ព័ន្ធទៅនឹងដំណើរការនៃថ្នាំវ៉ាក់សាំងបង្ការរោគថ្មីនេះ។” នេះជាការថ្លែងពន្យល់របស់លោកសាស្ត្រាចារ្យខាងវេជ្ជសាស្ត្រនៃមហាវិទ្យាល័យ Duke នៅរដ្ឋការ៉ូលីនខាងជើងដែលឋិតនៅប៉ែកអគ្នេយ៍នៃសហរដ្ឋអាមេរិក។
ការស្រាវជ្រាវរកឃើញដ៏សំខាន់គឺ anticorps នៃតំបន់ពិសេសមួយនៃស្រោមសម្បករបស់ virus ដែលគេហៅថា V1V2 មានជាប់ពាក់ព័ន្ធទៅនឹងអត្រានៃការទទួលចម្លងរោគអេដស៍។
គួរបញ្ជាក់ថា anticorpsគឺជាជាតិ protéine ដែលផលិតដោយសរីរៈ សម្រាប់ការពារប្រយុទ្ធទប់ទល់នឹងមេរោគឆ្លងឬ bactéries៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ