នៅក្នុងឆ្នាំ២០១២នេះ វាគឺជាខួបលើកទី១៣ដែលប្រទេសកម្ពុជាចូលជាសមាជិករបស់សមាគមប្រជាជាតិអាស៊ីអាគ្នេយ៍ ហៅកាត់ថាអាស៊ាន។ ជាមួយគ្នានោះដែរ ប្រទេសកម្ពុជាក៏ កំពុងធ្វើដំណើរឆ្ពោះទៅកាន់ការធ្វើសមាហរន្តកម្មអាស៊ាន នៅក្នុងឆ្នាំ២០១៥ខាងមុខ។ តើការចូលជាសហគមន៍តែមួយ វាសនាតែមួយនឹងអាចធ្វើអោយប្រទេសកម្ពុជាទទួលបានការអភិវឌ្ឍនិងការប្រឈមយ៉ាងដូចម្តេចខ្លះ? នេះជាប្រធានបទនៃវេទិកាសេរីភាពនៃការបញ្ចេញគំនិតមួយ ដែលបានរៀបចំឡើងដោយអង្គការសង្គមស៊ីវិលកាលពីថ្ងៃព្រហស្បតិ៍ម្សិលមិញ។
