បុរីរដ្ឋបាលសៀមរាបនឹងត្រូវដូរទីតាំងជាថ្មី
ចុះផ្សាយនៅថ្ងៃ៖
ស្តាប់ - ០៦:៤២
បុរីរដ្ឋបាលខេត្តសៀមរាប ដែលប្រជុំទៅដោយសាលាខេត្ត និងមន្ទីរអង្គភាពនានាចំនួនជិត ៣០ នឹងត្រូវផ្លាស់ប្តូរម្តងទៀតហើយ គឺត្រូវប្តូរកន្លែងទៅកាន់ទីតាំងមួយដែលស្ថិតនៅជិតទីប្រជុំជនខេត្តជាងមុន។ តាមរយៈកិច្ចប្រជុំកាលពីពេលថ្មីៗនេះ រវាងមន្ត្រីជាន់ខ្ពស់សាលាខត្តសៀមរាប និងអាជ្ញាធរអប្សរា គេអះអាងថា នឹងមានការសម្រេចពីរដ្ឋាភិបាលឲ្យមានការផ្លាស់ប្តូរពីបុរីរដ្ឋបាលបច្ចុប្បន្ន ទៅនៅទីតាំងរដ្ឋបាលរបស់អាជ្ញាធរអប្សរាវិញ។ ហើយរុញអាជ្ញាធរអប្សរាទៅកាន់បុរីរដ្ឋបាលខេត្តវិញ ដែលស្ថិតនៅក្នុងភូមិបង្កោង សង្កាត់អម្ពិល ចំងាយជាង ២០គីឡូម៉ែត្រពីទីរួមខេត្ត។ កាលពីឆ្នាំ ២០១១ មន្ត្រីរដ្ឋបាលខេត្តសៀមរាបត្រូវបានបញ្ជូនទៅបំរើការងារនៅបុរីរដ្ឋបាលបច្ចុប្បន្ន ហើយក៏មានការរអ៊ូរទាំពីមន្ត្រីរាជការអំពីការចំណាយពេលវេលា និងថវិកាច្រើន ក្នុងការទៅមកកន្លែងធ្វើការរបស់ពួកគេ។ ជុំវិញការផ្លាស់ប្តូរជាថ្មីនេះ លោក ប៊ុន ថារិទ្ធ អភិបាលរង និងជាអ្នកនាំពាក្យសាលាខេត្តសៀមរាប បានថ្លែងប្រាប់វិទ្យុបារាំង RFI តាមរយៈកិច្ចសម្ភាសន៍ជាមួយ ញឹម សុផល ដែលមានខ្លឹមសារដូចខាងក្រោម។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ