វេទិកា៧មករា៖ គណបក្សប្រជាជនកម្ពុជា ប្រកាសគោលនយោបាយសំខាន់ៗ សម្រាប់ឆ្នាំបោះឆ្នោត
ចុះផ្សាយនៅថ្ងៃ៖
ស្តាប់ - ០៩:២៤
ក្នុងមីទ្ទិញរំឭកខួប លើកទី៣៤ នៃទិវាជ័យជំនះ ថ្ងៃ៧មករា ដែលបានប្រារព្ធធ្វើឡើងនៅទីស្នាក់ការកណ្តាលគណបក្សប្រជាជនកម្ពុជា កាលពីព្រឹកថ្ងៃចន្ទ ទី៧ ខែមករានេះ ប្រមុខគណបក្សកាន់អំណាច បានលើកបង្ហាញពីសមិទ្ធផលនានា ក្នុងឆ្នាំចាស់ និងថែមទាំងបានប្រកាស ដាក់ចេញនូវគោលនយោបាយសំខាន់ៗ សម្រាប់ឆ្នាំថ្មី ឆ្នាំ២០១៣ ដែលជាឆ្នាំបោះឆ្នោត។ រាជរដ្ឋាភិបាល ក្រោមការដឹកនាំរបស់គណបក្សប្រជាជនកម្ពុជា សម្រេចបាននូវការរក្សាបានសុខសន្តិភាព កំណើនសេដ្ឋកិច្ច កិច្ចការព្រំដែន កំណែទម្រង់ឡូត៍នេសាទ និងការវាស់វែងចែកដីធ្លី ជាដើម ទាំងអស់នេះ សុទ្ធតែជាសមិទ្ធផល ក្នុងឆ្នាំ២០១២។ ក្នុងនោះ ប្រមុខដឹកនាំគណបក្សប្រជាជនកម្ពុជា ក៏បានប្រកាសសន្យាសម្រេចឲ្យបាននៅឆ្នាំ២០១៣ ដែលជាឆ្នាំបោះឆ្នោតជាតិ ទៅលើការបន្តគោរពសិទ្ធិមនុស្ស ការរក្សាសន្តិភាព សន្តិសុខសង្គម និងបន្តប្រឆាំងអំពើពុករលួយ។ល។ និង។ល។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ