ប្រជាពលរដ្ឋខេត្តសៀមរាបរំលឹកដឹងគុណដល់ស្នាព្រះហស្តព្រះមហាក្សត្រខ្មែរ
ចុះផ្សាយនៅថ្ងៃ៖
ស្តាប់ - ០៧:៤៧
ក្រៅអំពីការរៀបចំពិធីបុណ្យកាន់ទុក្ខនិងការគោរពវិញ្ញាណក្ខន្ធ ចំពោះព្រះមហាក្សត្រខ្មែរ ព្រះបាទនរោត្តម សីហនុ នៅឯព្រះបរមរាជវាំង ដែលជាទីកន្លែងតម្កល់សពរបស់ព្រះមហាក្សត្រ ពិធីបុណ្យកាន់ទុក្ខ និងការរំលឹកវិញ្ញាណក្ខន្ធក៏ត្រូវបានគេរៀបចំធ្វើឡើងនៅតាមបណ្តាខេត្តមួយចំនួនផេ្សងទៀតផងដែរ នៅទូទាំងប្រទេសកម្ពុជា។ នៅក្នុងទឹកដីនៃខេត្តសៀមរាប ដែលមានព្រះរាជដំណាក់របស់ព្រះមហាក្សត្រខ្មែរគង់នៅបន្ទាប់ពីព្រះបរមរាជវាំង ប្រជាពលរដ្ឋខ្មែរទាំងចាស់ក្មេង ប្រុសស្រី ទាំងសិស្ស-និសិ្សត ព្រមទាំងព្រះសង្ឃបានរួបរួមគ្នាដង្ហែជាក្បួន ដើម្បីប្រារព្ធពិធីកាន់ទុក្ខនិងបង្ហាញទឹកចិត្ត ភក្តីភាពព្រះទាំងកតញ្ញុតាធម៌ ចំពោះព្រះមហាវីរក្សត្រខ្មែរដែលបានទាមទារទឹកដីនៃខេត្តសៀមរាប និងទាមទារឯករាជ្យភាពជូនប្រទេសជាតិទាំងមូល។