ការ​ដក​ពី​មុខ​តំណែង មេ​ក្រសួង​ស៊ើបការសម្ងាត់

លោក​នាយក​រដ្ឋ​មន្ត្រី​ប៉ាគីស្ថាន​ Yusuf​ Raza​ Gilani​ នៅ​ថ្ងៃ​សុក្រ​ម្សិល​មិញ​៩​មីនា​ បាន​តែង​តាំង​អគ្គនាយក​ថ្មី​នៃ​ក្រសួង​ស៊ើប​ការសម្ងាត់​ ហៅ​កាត់​ថា​ I.S.I. (​ Inter​ Service​ Intelligence​ )​ ។​ឩត្តមសេនីយ​Zaheer​ ul-Islam​ ជា​មេបញ្ជាការ​នៃ​កងអង្គទ័ព​ទី​៥​មាន​មូលដ្ឋាន​តាំង​នៅ​ទី​ក្រុង​Karachi​ ត្រូវ​ជំនួស​លោក​Ahmad​ Shuja​ Pasha​ ជា​ឩត្តមសេនីយ​ម្នាក់​ទៀត​ដែល​លទ្ធផល​នៃ​សកម្មភាព​គាត់​ជា​មេ​ក្រសួង​I.S.I.​ត្រូវ​បាន​កត់​សម្គាល់​ដោយ​ការចុះ​ដុន​ដាប​នៃ​ទំនាក់​ទំនង​ជាមួយ​សម្ព័ន្ធ​មិត្ត​អាមេរិកាំង​៕