ប្រព័ន្ធ Roquette រុស្ស៊ីធុនថ្មីបំផុតសម្រាប់បាញ់រថក្រោះនិងអាកាសយាន
ប្រព័ន្ធនេះ ដែលមានឈ្មោះថា“ Kornet-EM “ទើបត្រូវរុស្ស៊ីដាក់តាំងបង្ហាញឲ្យភ្នែកបរទេសឃើញ ជាលើកទី១ក្នុង”ពិព័រណ៍អន្តរជាតិនៃអាវុធសម្រាប់ការពារ” លើកទី៧ដែលបើកការងារខ្លួនថ្ងៃ២៩មីនាម្សិលមិញក្នុងក្រុង New Delhi ក្រោមឈ្មោះថា “ DefExpo-2012”។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៧
ជាការកត់សម្គាល់ ប្រព័ន្ធRoquette រុស្ស៊ីធុនថ្មីបំផុត “ Kornet-EM “ ត្រូវ ស.រ.អា. និង បក្សសម្ព័ន្ធ អូតង់ ឲ្យឈ្មោះក្នុងចំណាត់ថ្នាក់ AT-14 Spriggan។
វាបំពាក់ទៅដោយ Roquette ចំនួន១៦គ្រាប់ ៖ ពីក្នុងនោះ ៨គ្រាប់ គឹនៅត្រៀមបាញ់ចេញជានិច្ច ទៅកម្ទេច ទីដៅលើដី ក៏ដូចជា ក្នុងអាកាស។ វង់សកម្មរបស់វា សម្រាប់ទីដៅនៅលើដី ពោលគឺ សម្រាប់ផ្ចាញ់រថក្រោះ គឺដល់ចម្ងាយ ៨គ.ម.។ ហើយវង់សកម្មរបស់វា សម្រាប់ផ្ចាញ់ ទីដៅ ក្នុងអាកាស បែបយ៉ាង ឧទ្ធម្ភាគចក្រ យន្តហោះ មាន Pilote បើកបរ ក៏ដូចជាគ្មាន Pilote បើកបរ គឺដល់ចម្ងាយ ១០គ.ម.។ វាអាចបាញ់ចេញក្នុងពេលជាមួយគ្នា គឺ២គ្រាប់តែម្តង ៖ មួយ សម្រាប់ កម្ទេចរថក្រោះ មួយទៀត សម្រាប់ កម្ទេចអាកាសយាន។
Roquette នោះ ចល័តទៅរកទីដៅ គឺក្នុងរបបស្វយ័ត និងម្ចាស់ការខ្លួនឯង កម្រិតខ្ពស់ ស្របតាម គោលការណ៍ដែលថា ” កាលណាបាញ់វាចេញទៅហើយ គឺបំភ្លេចវាទៅ “ ដ្បិតវាធានា កម្ទេចទីដៅ បាន ១០០% តែម្តង។ បើយានយន្ត ដែលបំពាក់ទៅដោយគ្រាប់ Roquette ទាំងនោះ កំពុងតែចល័ត សោះ ហើយស្រាប់តែកាលៈទេសៈតម្រូវឲ្យប្រយុទ្ធ នោះ ដើម្បី ត្រៀមបាញ់វាចេញ គឺនឹង ស៊ីពេល យ៉ាងយូរណាស់ត្រឹម ៧ វិនាទី។
ករណីរថក្រោះ គឺវាធានា បាញ់ទម្លាយដែកក្រោះ ដែលមានកម្រាស់ដល់ ១.៣០០ មីលីម៉ែត្រ ឫ បើនិយាយឲ្យស្រួលស្តាប់ គឺកម្រាស់ដល់ ១ម៉ែត្រ ៣តឹក ឲ្យឆេះទ្រលោមភ្លាមភ្លែត។ ដូច្នេះ វា នឹងជំនះ បានយ៉ាងងាយ លើរាល់តែកម្រាស់ដែកក្រោះ នៃ រថក្រោះដែលមានសព្វថ្ងៃ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ