ខួប២ឆ្នាំនៃប្រតិបត្តិការ ” សំណឡើងរឹង “ របស់អ៊ីស្រាអែលនៅតំបន់Gaza
បាតុកម្មជាច្រើនត្រូវបានគ្រោងធ្វើនៅថ្ងៃចន្ទ២៧ធ្នូនេះ នៅទីក្រុងParis Bruxellesនិងជាពិសេសនៅតំបន់Gaza ដើម្បីនឹកចងចាំថាកាលពី២ឆ្នាំមុន អ៊ីស្រាអែលបានធ្វើប្រតិបត្តិការ” សំណឡើងរឹង “ ។ គឺជាការវាយលុកទៅលើតំបន់Gaza ក្នុងរយៈពេលបីសប្តាហ៍ ដោយបានបណ្តាលឱ្យស្លាប់ជន១៤០០នាក់ ភាគច្រើនជាជនជាតិប៉ាលេស្ទីន។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ Benjamin Barthe ពីទីក្រុង Ramallah ប្រែសម្រួលដោយវីនស្តុន រតនា
នៅពេលជិតដល់ថ្ងៃខួបនេះ ភាពតានតឹងបានកើនឡើងមួយកំរិតរវាងភាគីប្រដាប់អាវុធប៉ាលេស្ទីននិងរដ្ឋអ៊ីស្រាអែល។ បាតុកម្មផ្សេងមួយទៀតបានប្រព្រឹត្តទៅនៅថ្ងៃអាទិត្យម្សិលមិញនៅប៉ុស្តិ៍ត្រួតពិនិត្យឆែកឆេរមួយនៅចន្លោះតំបន់Cisjordanie និងទីក្រុង Jérusalem ដែលបរិហារឩបស័គ្គចំពោះការធ្វើចរាចរណ៍ដោយសេរីរបស់បណ្តាជនប៉ាលេស្ទីនហើយបាតុករ៩នាក់ជាជនជាតិបារាំងត្រូវបានអាជ្ញាធរអ៊ីស្រាអែលចាប់ខ្លួន៕
បាតុកម្មត្រូវបានរៀបចំដោយសមាគមអឺរ៉ូ-ប៉ាលេស្ទីន ព្រមជាមួយចលនាតស៊ូប៉ាលេស្ទីនដោយសន្តិវិធីគឺតវ៉ានៅពីមុខប៉ុស្តិ៍ត្រួតពិនិត្យឆែកឆេរនៅ Kalandya ជាទីចុងបំផុតពង្រឹងដោយបេតុងនិងលួសបន្លាដែលឃាត់ឃាំងបណ្តាជន Cisjordanie គ្មានលិខិតអនុញ្ញាតត្រឹមត្រូវមិនឱ្យចូលទីក្រុងJérusalemជារដ្ឋធានីសំណព្វចិត្តរបស់បណ្តាជនប៉ាលេស្ទីនស្ថិតនៅចម្ងាយ១០គីឡូម៉ែត្រ។
ស្របតាមប៉ូលិសអ៊ីស្រាអែល ពួកបាតុករបានចោលដុំថ្មទៅលើប៉ូលិស ជាអំណះអំណាងដែលពុំត្រូវបានបញ្ជាក់អះអាងដោយរូបភាពនៃទូរទស្សន៍និងដែលត្រូវបានបដិសេធដាច់ខាតដោយសមាគមអឺរ៉ូ-ប៉ាលេស្ទីនដែលក្បួនបាតុកម្មត្រូវបានដឹកនាំដោយជនជាតិប៉ាលេស្ទីនម្នាក់ស្លៀកពាក់ក្លែងខ្លួនជាតាណូអែល។
ប្រឈមមុខនឹងប៉ូលិសឈរជាជួរៗ បាតុករខ្លះបានសាកល្បងចូលទាំងបង្ខំទៅកាន់
ទីចុងបំផុតគឺនៅខណៈនេះហើយដែលគេត្រូវបានចាប់ខ្លួន។នៅសប្តាហ៍មុន អ្នកស្រី ប្រធានសមាគមអឺរ៉ូ-ប៉ាលេស្ទីន Olivia Zémor ត្រូវបានបណ្តេញចេញទៅវិញពីដែនដីអ៊ីស្រាអែល បន្ទាប់ពីបានជិះយន្តហោះមកដល់អាកាសយានដ្ឋាន Ben Gurion នៅទីក្រុង Tel Aviv៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ