ជនជាតិដើមភាគតិចកំពុងប្រឈមមុខនឹងការបាត់បង់មុខរបរជាប្រពៃណី
ចុះផ្សាយនៅថ្ងៃ៖
ស្តាប់ - ០៩:២០
តំណាងជនជាតិដើមភាគតិច បានអះអាងថាជនជាតិដើមភាគតិចចំនួន ២៤ ក្រុមដូចជាជនជាតិព្នង សួយនិងជនជាតិគួយជាដើមកំពុងរស់នៅក្នុង១៥ខេត្ត នៅតំបន់ព្រៃភ្នំ កំពុងប្រឈមមុខនឹងការបាត់បង់មុខរបរជាប្រពៃណី ដើម្បីចិញ្ចឹមជីវិត ដូចជា ការរុករកអនុផលព្រៃឈើនិងធ្វើស្រែចំការវិលជុំជាដើម។ មូលហេតុ មកពីការផ្តល់ដីសម្បទានសេដ្ឋកិច្ចទៅឲ្យក្រុមហ៊ុនឯកជនអភិវឌ្ឍជាចំការកៅស៊ូ ការរុករករ៉ែនិងធ្វើទំនប់វារីអគ្គិសនីជាដើម។ មួយវិញទៀត ការវាស់វែងដីធ្លីដើម្បីធ្វើប្លង់កម្មសិទ្ធិរបស់ក្រុមយុវជនស្ម័គ្រចិត្តដែលជាគោលនយោបាយថ្មីរបស់រដ្ឋាភិបាលក៏ត្រូវតំណាងជនជាតិដើមអះអាងថាបានតម្រូវឲ្យបងប្អូនជនជាតិដើមភាគតិចធ្វើប្លង់កម្មសិទ្ធិដីធ្លី ជាលក្ខណៈឯកជន។ ប៉ុន្តែក្រុមជនជាតិដើមភាគតិច ចង់បានការចុះបញ្ជីធ្វើប្លង់ដីធ្លីទាំងនោះជាលក្ខណៈសមូហភាពដើម្បីរក្សាដីព្រៃនោះ សម្រាប់ធ្វើចំការវិលជុំនិងរុកអនុផលព្រៃឈើ។