៦ ឆ្នាំ អភិវឌ្ឍន៍បានផ្សារ និងផ្លូវបេតុង សម្រាប់អ្នកសហគមន៍ក្រីក្រ
ចុះផ្សាយនៅថ្ងៃ៖
ស្តាប់ - ០៨:០២
កាលពីខែមិថុនា ឆ្នាំ២០០៦ អតីតអ្នកភូមិសំបុកចាប ប្រមាណ ១.៥០០ គ្រួសារ ត្រូវបានអាជ្ញាធរក្រុងភ្នំពេញ ផ្លាស់ប្តូរទីលំនៅដ្ឋានទាំងបង្ខំ ចេញពីកណ្តាលក្រុង យកទៅរស់នៅ តំបន់អភិវឌ្ឍន៍ថ្មី ក្នុងភូមិអណ្តូង៣ ជាយទីក្រុងភ្នំពេញ។ ក្នុងរយៈពេល ៦ ឆ្នាំ គិតមកដល់ពេលនេះ ទីតាំងថ្មីរបស់សហគមន៍ជនក្រីក្រ នៅភូមិអណ្តូង៣ ត្រូវបានអាជ្ញាធរ រៀបចំសាងសង់ផ្ទះថ្មតូចៗ ប្រក់សង្កសីនៅជាប់គ្នាជាជួរៗ។ ផ្សារថ្មីមួយកំពស់ពីរជាន់ ត្រូវបានសាងសង់រួចរាល់ និងបើកសម្ពោធ កាលពីថ្ងៃទី៣១សីហា។ ផ្លូវចាក់បេតុង ក៏ត្រូវបានសាងសង់ ក្នុងសហគមន៍ក្រីក្រនោះផងដែរ។ គម្រោងអភិវឌ្ឍន៍ទាំងនោះ បានមកពីអង្គការអាមេរិកមួយ ឈ្មោះថា People For Care & Learning៕