ប្រជាជនម៉ុងហ្គោលធ្វើបាតុកម្មដែលមិនធ្លាប់មានពីមុនមក នៅចិន
ទំហំបាតុកម្មរបស់ប្រជាជនម៉ុងហ្គោល ដែលចាប់ផ្តើមតាំងពីដើមសប្តាហ៍ កាន់តែរីកធំឡើងៗ នៅម៉ុងហ្គោលីខាងក្នុង ដែលស្ថិតនៅភាគខាងជើងប្រទេសចិន។ បើតាមអង្គការការពារសិទ្ធិប្រជាជនម៉ុងហ្គោលី ខាងត្បូង ដែលមានទីតាំងនៅសហរដ្ឋអាមេរិក ប្រជាជនម៉ុងហ្គោលកាន់តែច្រើនត្រូវបានអំពាវនាវឲ្យចុះធ្វើបាតុកម្មប្រឆាំងនឹងអាជ្ញាធរមូលដ្ឋានដែលភាគច្រើនជាជនជាតិហាន ចិន។
ចុះផ្សាយនៅថ្ងៃ៖
ស្តាប់ - ០១:៥៩
ពីមុនគេលឺតែបាតុកម្មតវ៉ារបស់ប្រជាជនទីបេ និងអ៊ុយហ្គួរប្រឆាំងនឹងអាជ្ញាធរចិន ប៉ុន្តែ ចាប់តាំងពីថ្ងៃចន្ទ ដើមសប្តាហ៍នេះ ប្រជាជនម៉ុងហ្គោលដែលរស់នៅក្នុងទឹកដី ភាគខាងជើងចិន បានចេញមុខប្រឆាំងនឹងអាជ្ញាធររបស់ទីក្រុងប៉េកាំងដែរ។ រឿងរ៉ាវដំបូងឡើយ ចាប់ផ្តើមជាមួយកំហឹងរបស់ប្រជាជនម៉ុងហ្គោល អ្នកចិញ្ចឹមសត្វចៀម ដែលមានគ្នីគ្នារបស់ពួកគេម្នាក់ត្រូវរថយន្តធុនធំ បើកបរដោយជនជាតិចិន ហានបុកសម្លាប់។
បើតាមសេចក្តី ប្រកាសរបស់ អង្គការការពារសិទ្ធិប្រជាជនម៉ុងហ្គោលី ខាងត្បូង នៅថ្ងៃចន្ទ មុននេះ ប្រជាជនម៉ុងហ្គោលបានរួមគ្នាធ្វើជារនាំង បិទផ្លូវស្ទាក់មិនឲ្យក្បួនរថយន្តដឹកធ្យូងចេញពីទីរួមស្រុកអ៊ូជុំជីន Ujumchin របស់តំបន់ម៉ុងហ្គោលីខាងក្នុង។ កន្លងមក ប្រជាជនម៉ុងហ្គោលទាំងនោះបានចោទប្រកាន់អាជ្ញាធរចិនថា បានរឹបអូសយកដីធ្លី ដើម្បីឲ្យគេធ្វើអាជីវកម្មរកធនធានរ៉ែធម្មជាតិក្នុងស្រុករបស់ប្រជាជនម៉ុងហ្គោល។ លើសពីនោះ កម្មកររបស់អាជីវកម្មលើធនធានរ៉ែបានបំផ្លាញកន្លែងចិញ្ចឹមសត្វរបស់ប្រជាជនម៉ុងហ្គោលទៀត។
នៅថ្ងៃចន្ទដដែល អាជ្ញាធរចិនបានប្រកាសថាគេចាប់បានជនល្មើសដែលបានបើកបុកអ្នកចិញ្ចឹមចៀម និងអ្នកដែលបំផ្លាញកសិដ្ឋានចិញ្ចឹមសត្វ។ ប៉ុន្តែការប្រកាសនេះមិនបានធ្វើឲ្យប្រជាជនម៉ុងហ្គោលបាត់កំហឹងទេ។ សារអេឡិចត្រូនិក និងតាមប្រព័ន្ធអ៊ិនធ័រណេតបានអំពាវនាវឲ្យគេធ្វើការតវ៉ាដើម្បីការពារទឹកដី និងសិទ្ធិរបស់ប្រជាជនម៉ុងហ្គោល។
មរណភាពរបស់អ្នកចិញ្ចឹមសត្វចៀម គ្រាន់តែជាអំបែងភ្លើងដែលធ្វើឲ្យផ្ទុះកំហឹងរបស់ប្រជាជនម៉ុងហ្គោល ដែលកប់ទុកជាយូរមកហើយ។ គួររំលឹកជូនថា ម៉ុងហ្គោលី ខាងក្នុង បច្ចុប្បន្នជាតំបន់ស្វ័យតរបស់ប្រទេសចិន និងធ្លាប់ជាទឹកដីមួយផ្នែករបស់ម៉ុងហ្គោលីដែលចិនបានរិបអូសយកមកគ្រប់គ្រងតាំងពីរាជវង្សឈីង និងបញ្ជូនប្រជាជនចិនឲ្យទៅរស់នៅច្រើនលើទឹកដីម៉ុងហ្គោលី។ ក្នុងប្រទេសចិន មានប្រជាជនម៉ុងហ្គោលសរុប ៦លាននាក់ ដែលចំនួននេះស្មើនឹងពីរដងនៃចំនួនប្រជាជនសរុប របស់ប្រទេសម៉ុងហ្គោលី។ ម៉ុងហ្គោលីដែលទាមទារឯករាជ្យពីចិន នៅឆ្នាំ ១៩១១
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ