សភាពការណ៍ពុំទាន់ត្រូវបានអាជ្ញាធរក្តាប់បាននៅឡើយ
ការងារនៅរោងចក្រអគ្គិសនីដើរដោយថាមពលនុយក្លេអ៊ែរDaichi នៅFukushimaត្រូវបានបំពេញឡើងវិញ នៅថ្ងៃអង្គារ២២មីនានេះ។វាត្រូវបានផ្អាក ដោយហេតុមានផ្សែងបានលេចចេញពីម៉ាស៊ីនប្រតិកម្មលេខ៣។នៅតែមាន ផ្សែងលេចចេញជានិច្ចពីរោងចក្រ ប៉ុន្តែបុគ្គលិកបានវិលត្រឡប់មកកាន់រោងចក្រវិញ។ទោះបីជាចាប់មាន អគ្គិសនីឡើងវិញ នៅក្នុងពហុដ្ឋាននុយក្លេអ៊ែរក្តី ក៏សភាពការណ៍ពុំទាន់ត្រូវបានអាជ្ញាធរក្តាប់បាននៅឡើយ។ធាតុវិទ្យុ សកម្មអាចនឹងជះផលវិបាកដ៏ធ្ងន់ធ្ងរទៅលើជីវភាពប្រចាំថ្ងៃរបស់ ប្រជាជនជប៉ុន។
ចុះផ្សាយនៅថ្ងៃ៖
សេចក្តីរាយការណ៍ប្រែសម្រួលដោយ វីនស្តុន រតនា
ការលេចចេញចំហាយថ្មីៗនៅពីលើម៉ាស៊ីនប្រតិកម្ម២នៃរោងចក្រអគ្គិសនីដើរដោយថាមពលនុយក្លេអ៊ែរ នៅFukushimaដែលបង្ហាញគ្រោះថ្នាក់ធំបំផុតនៃការផ្ទុះនិងការសាយភាយវិទ្យុសកម្មដ៏អាក្រក់បំផុតនាំឱ្យគិតយល់ថា សភាពការណ៍ពុំទាន់ត្រូវបានអាជ្ញាធរក្តាប់បាននៅឡើយ។
អគ្គិសនីចាប់មានឡើងវិញ នៅក្នុងសាលត្រួតពិនិត្យ ប៉ុន្តែប្រព័ន្ធធ្វើឱ្យត្រជាក់ម៉ាស៊ីនប្រតិកម្មពុំទាន់ត្រូវបានដាក់ឱ្យដំណើរការឡើងវិញនៅឡើយទេ ដ្បិតបើគ្មានកត្តានេះទេ នៅតែមានគ្រោះថ្នាក់នៃការផ្ទុះរលាយចូលគ្នានៃធាតុឥន្ធនៈនុយក្លេអ៊ែរ។
ថ្ងៃនេះ គេដឹងថាទំនប់ដែលត្រូវការពាររោងចក្រទល់នឹងរលកយក្សស៊ូណាមីបានទទួលរងការប៉ះទង្គិចមួយប្រៀបបាននឹងយន្តហោះBoeingធុន747ចំនួន១០០០គ្រឿងហោះមកបុកទង្គិចអ៊ីចឹងដំណាលពេលគ្នា។
រលកមានកម្ពស់ដល់១៤ម៉ែត្រនិងបានពន្លិចប្រព័ន្ធធ្វើឱ្យត្រជាក់រោងចក្រ។ក្រុមហ៊ុនTEPCOដែលគ្រប់គ្រងរោងចក្របានព្រមានប្រាប់ជាមុនថា ប្រព័ន្ធធ្វើឱ្យត្រជាក់ទាំងនេះនៅទីកន្លែងដែលត្រូវបានដាក់វា ពុំអាចទប់ទល់នឹងរលកយក្សស៊ូណាមីបានឡើយ។
ធាតុវិទ្យុសកម្មដែលបានសាយភាយចេញពីរោងចក្រ ជ្រាបចូលក្នុងទឹកដោះគោនិងបន្លែនៅប៉ែកខាងជើងប្រទេសជប៉ុន។ជាហេតុធ្វើឱ្យរដ្ឋាភិបាលហាមប្រាមមិនឲ្យលក់ផលិតផលទាំងនេះ។ អាចមានធាតុវិទ្យុសកម្មជ្រាបចូលជាយថាហេតុទៅក្នុងសាច់ត្រី និងផលិតផលសមុទ្រ ដូចជា បង្កង បង្គារ មឹក យៀវហ៊ឺ ខ្យងខ្ចៅ ជាដើម។
ដ្បិតបើគ្មានត្រីឬផលិតផលសមុទ្រឬក៏បន្លែដែលមកពីប៉ែកខាងជើងប្រទេសទេ នោះប្រទេសជប៉ុនអាចមានគ្រោះកង្វះចំណីអាហារ ពីព្រោះកង្វះអ្វីតែបន្តិចបន្តួចក្តីក៏អាចធ្វើឲ្យប្រជាជនជប៉ុនភ័យជ្រួលច្របល់ដែរ។
គេនឹងពុំហូបផលិតផលដែលគេយល់ថា ប្រកបដោយគ្រោះថ្នាក់ ទោះបីជាមានកម្រិតធាតុវិទ្យុសកម្មខ្ពស់ចំនួន១០០ដង លើសពីកម្រិតធម្មតា ដែលមិនបង្ហាញជាគ្រោះថ្នាក់ សម្រាប់សុខភាពនោះក្តី-ស្របតាមអាជ្ញាធរសុខាភិបាលជប៉ុនក្តី។ ប៉ុន្តែ នៅថ្ងៃនេះ ប្រជាជនជប៉ុនលែងជឿទុកចិត្តទៅលើអាជ្ញាធររបស់ខ្លួនទៀតឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ