ជម្លោះដែនទឹក ៖ តូក្យូជួយម៉ានីល ដើម្បីងាយប្រឈមនឹងចិន
នៅថ្ងៃសៅរ៍ទី ២៧ កក្កដា នេះ លោកនាយករដ្ឋមន្ត្រីជប៉ុន ស៊ីនហ្សូ អាបេ បានថ្លែងអំពាវនាវសុំឱ្យពរជ័យរឹតចំណងសហប្រតិបត្តិការ ជាមួយនឹងប្រទេសហ្វីលីពីន លើវិស័យដែនទឹក ដើម្បីប្រឈមនឹងមហាអំណាចចិន ដែលប្រទេសទាំងពីរមានជម្លោះដណ្តើមបូរណភាពប្រជុំកោះក្នុងសមុទ្ទចិនខាងត្បូង និងខាងកើត។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥០
“សម្រាប់ជប៉ុន ប្រទេសហ្វីលីពីនគឺជាដៃគូយុទ្ធសាស្ត្រ ក្នុងការទាញរកផលប្រយោជន៍ និងការចែករំលែកទស្សនៈ ដែលជាមូលដ្ឋានគ្រឹះរបស់ប្រទេសមួយ”! នេះគឺជាប្រសាសន៍របស់លោកនាយករដ្ឋមន្ត្រីជប៉ុន ស៊ីនហ្សូ អាបេ ក្នុងសន្និសីទកាសែតរួមជាមួយប្រធានាធិបតីហ្វីលីន លោក បេនីញ៉ូ អាគីណូ (Benigno Aquino) នៅទីក្រុងម៉ានីល ម្សិលមិញ។
លោក ស៊ីនហ្សូ អាបេ បានចាត់ទុកទស្សនកិច្ចនេះ ថាជាការពង្រឹងពង្រឹកទំនាក់ទំនង និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ នយោបាយ សន្តិសុខ និងសេដ្ឋកិច្ច។ គឺក្នុងក្របខ័ណ្ឌនៃការពង្រឹងភាពជាដៃគូយុទ្ធសាស្ត្រនេះ ជប៉ុននឹងបន្តជួយធ្វើទំនើបកម្មឥតដាច់ និងបំពាក់បំប៉នសមត្ថភាពឆ្មាំសមុទ្ទហ្វីលីពីន។ ជំនួយធ្វើទំនើបកម្ម គឺសំដៅលើការផ្តល់កម្ចីពិសេស សម្រាប់ឱ្យហ្វីលីពីនយកទៅទិញនាវាល្បាត១០គ្រឿង មកជំនួសនាវាចាស់ទ្រុឌទ្រោមសព្វថ្ងៃ ដែលជប៉ុនធ្លាប់បានប្រកាសសន្យាកាលពីដើមឆ្នាំ។ ចំណែកលោកប្រធានាធិបតីហ្វីលីពីន ក៏រីករាយស្វាគមន៍នឹងធ្វើកិច្ចសហប្រត្តិបត្តិការជាមួយជប៉ុនដែរ ដោយចាត់ទុកថានេះជាសរសរទ្រូងនៃភាពជាដៃគូយុទ្ធសាស្ត្ររវាងគ្នា។
សូមបញ្ជាក់ថា ទស្សនកិច្ចរបស់លោកនាយករដ្ឋមន្ត្រីជប៉ុននៅហ្វីលីពីន ធ្វើឡើងក្នុងខណៈដែល ហ្វីលីពីនកំពុងខឹងសម្បារនឹងក្រុងប៉េកាំងដែលបានបញ្ជូននាវាទៅប្រជុំកោះស្ព្រាតលី ក្នុងសមុទ្ទចិនខាងត្បូង មិនឆ្ងាយប៉ុន្មានពីដែនទឹកហ្វីលីពីនផង និងម្យ៉ាងទៀតពីន ធ្វើឡើងក្នុងខណៈួយជប៉ុនដែរ ដោយចាត់ទុកថានេះជាសរស ចិននិងជប៉ុន ក៏កំពុងមើលមុខគ្នាមិនចំ ព្រោះសំណុំរឿងដណ្តើមប្រជុំសេនកាគូ ក្នុងសមុទ្ទចិនខាងកើតផង។
ពីរថ្ងៃមុននេះ ជប៉ុនបានថែមទាំងប្រកាសពង្រឹងកម្លាំងយោធាជើងទឹក និងយន្តហោះគ្មានមនុស្សបើក ដើម្បីការពារដែនសមុទ្ទ។ ប៉ុន្តែជាមួយនឹងភាពដាច់ខាត ហ៊ានយកបញ្ហាមកដាក់មុខ លោកនាយករដ្ឋមន្ត្រីជប៉ុន ក៏ចង់បានដំណោះស្រាយដោយសន្តិវិធី តាមរយៈការស្នើសុំឱ្យមានការចរចាត្រង់ទៅត្រង់មកជាមួយចិន ដើម្បីសន្តិភាពតំបន់ និងឈានដល់ការរួមរស់ដោយសុខសាន្តក្នុងនាមជាអ្នកជិតខាងល្អនឹងគ្នា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ