វេជ្ជបណ្ឌិតលី សូវ៉ាន់៖«៩៥%នៃជំងឺពងបែកមាត់ដៃជើងអាចព្យាបាលបាន ៥%អាចវិវឌ្ឍទៅធ្ងន់ធ្ងរ»
ចុះផ្សាយនៅថ្ងៃ៖
ស្តាប់ - ១៦:៤៤
ជិតមួយខែមកហើយ ក្រសួងសុខាភិបាលបានប្រកាសអំពីវត្តមាននៃមេរោគ អ៊ីវី ៧១ (EV 71) ដែលបង្កអោយកុមារមានរោគសញ្ញាពងបែកមាត់ដៃជើង និងអាចបង្កអោយកុមារមានគ្រោះថ្នាក់ដល់ជីវិត។ ក្រោយពីបានទទួលព័ត៌មាននេះ ប្រជាពលរដ្ឋទូទៅបានបង្កើនការប្រុងប្រយ័ត្នខ្លាំងចំពោះកូនចៅរបស់ពួកគេ រីឯក្រសួងសុខាភិបាលក៏បានផ្សព្វផ្សាយអំពីវិធីបង្ការផងដែរ។ តើស្ថានភាពនៃការផ្ទុះជំងឺនេះស្ថិតនៅកម្រិតណា? អ្វីជាមេរោគ អ៊ីវី ៧១? តើអ្វីខ្លះជាវិធីជួយសង្គ្រោះនោះ? លោកវេជ្ជបណ្ឌិតលី សូវ៉ាន់ អនុប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបកស្រាយសំណួរទាំងនេះ នៅក្នុងបទសម្ភាសន៍ជាមួយលាង ដឺលុច អ្នកឆ្លើយឆ្លងព័ត៌មានរបស់វិទ្យុបារាំងអន្តរជាតិប្រចាំនៅកម្ពុជា។
