លោកស្រី ពុង ឈីវកេក៖« តុលាការមួយដែលអនុវត្តគោលការណ៍ឯករាជ្យ នឹងលាងសំអាតលោក ចាន់ សុវ៉េតពីការចោទប្រកាន់ »
ចុះផ្សាយនៅថ្ងៃ៖
ស្តាប់ - ១២:០៣
ភ្ញៀវប្រចំាសប្តាហ៍របស់វិទ្យុបារំាងអន្តរជាតិ នៅថ្ងៃសៅរ៍ ទី១៨ សីហានេះ គឺលោកស្រី ពុង ឈីវកេក ប្រធាននៃសម្ព័ន្ធខ្មែរជំរឿន និងជាប្រធានអង្គការការពារសិទ្ធិមនុស្សហៅកាត់ថា លីកាដូ។ ឆ្លើយនឹងសំណួររបស់ គួច គន្ធារ៉ា លោកស្រី ពុង ឈីវកេកបានបញ្ជាក់ថា លោកស្រី ក៏ដូចជាក្រុមអង្គការសង្គមស៊ីវិលផ្សេងទៀតមានការសោកស្តាយចំពោះការចោទប្រកាន់លើលោក ចាន់ សុវ៉េត មន្រ្តីអង្គការសិទ្ធិមនុស្ស អាដហុក ពីបទ «ផ្តល់ជំនួយដល់ចារីជាអាទិ៍»។ សម្រាប់លោកស្រី ពុង ឈីវកេក ការចោទប្រកាន់ដូច្នេះ គឺជាការចោលសារមួយអវិជ្ជមានទៅលើអ្នកការពារសិទ្ធិមនុស្សឯទៀតៗ។ យ៉ាងណាក៏ដោយ លោកស្រីសង្ឃឹមថា តុលាការមួយដែលអនុវត្តគោលការណ៍ឯករាជ្យនឹងលាងសំអាតលោក ចាន់ សុវ៉េតពីការចោទប្រកាន់នោះ៕