លោកហោ ណំាហុង៖« ប្រសិនបើតុលាការយុត្តិធម៌អន្តរជាតិក្រុងឡាអេសម្រេចដោយផ្អែកលើច្បាប់ កម្ពុជានឹងឈ្នះថៃ »
ចុះផ្សាយនៅថ្ងៃ៖
ស្តាប់ - ១៥:៤៧
ភ្ញៀវប្រចំាសប្តាហ៍របស់វិទ្យុបារំាងអន្តរជាតិនៅថ្ងៃសៅរ៍ ទី១៣ មេសានេះ គឺលោកហោ ណំាហុង ឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេសកម្ពុជា។ នៅក្នុងដំណើរទៅកាន់តុលាការយុត្តិធម៌អន្តរជាតិក្រុងឡាអេ ប្រទេសហូឡង់ លោកហោ ណំាហុងបានឆ្លៀតចូលបំពេញការងារមួយចំនួននៅក្នុងទីក្រុងប៉ារីស ប្រទេសបារំាង។ ជាឱកាសមួយដែលគួច គន្ធារ៉ាបានជួបសម្ភាសន៍ជាមួយលោកហោ ណំាហុងនៅក្នុងសណ្ឋាគារ។ លោកហោ ណំាហុងបានបញ្ជាក់ថា ប្រសិនបើតុលាការយុត្តិធម៌អន្តរជាតិក្រុងឡាអេសម្រេចដោយផ្អែកលើច្បាប់សុទ្ធសាធ នោះកម្ពុជានឹងឈ្នះថៃនៅក្នុងរឿងក្តីក្តំាប្រាសាទព្រះវិហារ។ ទន្ទឹមគ្នានេះ លោកប្រមុខការទូតកម្ពុជាក៏បានអំពាវនាវឲ្យភាគីពាក់ព័ន្ធគោរពតាមសេចក្តីសម្រេចរបស់តុលាការ បើទោះបីជាសេចក្តីសម្រេចនោះអនុគ្រោះឲ្យភាគីណាមួយក៏ដោយ។