លោកឧត្តមសេនីយ៍ត្រីអេង ហ៊ី៖បទល្មើសព្រៃឈើនៅភូមិភាគឦសានស្ងប់ស្ងាត់
ចុះផ្សាយនៅថ្ងៃ៖
ស្តាប់ - ១១:០១
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីនេះ គឺលោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស និងជាអ្នកនាំពាក្យគណៈកម្មការជាតិដើម្បីទប់ស្កាត់ និងបង្រ្កាបបទល្មើសព្រៃឈើ។ ឆ្លើយតបនឹងសំណួររបស់វិទ្យុបារាំងអន្តរជាតិ RFI លោកឧត្តមសេនីយ៍ត្រី អេង ហ៊ី បានឲ្យដឹងថា បច្ចុប្បន្នបទល្មើសព្រៃឈើស្ថិតនៅភូមិភាគឦសានមានសភាពស្ងប់ស្ងាត់។ បើតាមអ្នកនាំពាក្យរូបនេះ នៅក្នុងដំណាក់កាលបច្ចុប្បន្ននេះ សមត្ថកិច្ចកំពុងតែប្រមូលភស្តុតាង ដើម្បីចោទប្រកាន់ទៅលើឈ្មួញឧក្រិដ្ឋជនព្រៃឈើ ដើម្បីបញ្ជូនខ្លួនទៅកាន់តុលាការ។ ប៉ុន្តែដោយសាររឿងនេះ ជារឿងសំងាត់ លោកអេង ហ៊ី នៅមិនទាន់អាចបង្ហើបឲ្យដឹងនៅឡើយទេថា តើនឹងមានមនុស្សប៉ុន្មាននាក់ជាប់ពាក់ព័ន្ធនៅក្នុងបទល្មើសព្រៃឈើនេះនៅឡើយទេ។