ផ្ទាំងផ្សាយពាណិជ្ជកម្មគ្រឿងស្រវឹង ជារូបភាពទាញចិត្តយុវជនឲ្យចង់ផឹកស្រា
ចុះផ្សាយនៅថ្ងៃ៖
ស្តាប់ - ០៨:៣១
អាជ្ញាធរជាតិអប្សរាបានហាមឃាត់មិនឲ្យដាក់តាំងផ្ទាំងផ្សព្វផ្សាយពាណិជ្ជកម្មគ្រប់ប្រភេទនៅតាមហាង ឬតូបលក់ដូរ និងបានដាក់សំណើទៅដល់ក្រុមហ៊ុន ស្រាបៀរ ទាំងឡាយដែលមានផ្ទាំងផ្សព្វផ្សាយពាណិជ្ជកម្មនៅតំបន់អង្គរឲ្យរុះរើផ្ទាំងផ្សព្វផ្សាយរបស់ខ្លួនទាំងអស់ឲ្យបានមុនថ្ងៃទី៣០ ខែមេសា ឆ្នាំ២០១៦។ មូលហេតុដោយសារតែផ្ទាំងផ្សព្វផ្សាយពាណិជ្ជកម្មទាំងនេះ បាននឹងកំពុងបង្កផលប៉ះពាល់ដល់ទេសភាពវប្បធម៌ និងបទដ្ឋានបេតិកភណ្ឌ ដែលកំណត់តំបន់អង្គរ។ សម្រាប់អ្នកឃ្លាំមើលបញ្ហាសង្គម ការធ្វើបែបនេះ គឺជាចំណុចល្អមួយក្នុងចូលរួមបញ្ឈប់ការសេពគ្រឿងស្រវឹងដល់ពលរដ្ឋខ្មែរទូទៅ ជាពិសេសយុវជន ព្រោះថា ផ្ទាំងផ្សាយពាណិជ្ជកម្មគ្រឿងស្រវឹង គឺជារូបភាពទាញចិត្តឲ្យយុវជនចង់ផឹកស្រា។