«ទារក និងមាតា» គឺជាប្រធានបទនៃការតាំងពិព័រណ៍របស់លោកតោ វុត្ថា សហស្ថាបនិកអង្គការហ្វាពន្លឺសិល្បៈ។ ពីថ្ងៃទី៣ដល់ថ្ងៃទី២៧ឧសភានេះ ភ្ញៀវជាតិនិងអន្តរជាតិដែលចេញចូលក្នុងសណ្ឋាគារអាំងទែរកុងទីណង់តាល់ប្រាកដជាបានឃើញផ្ទាំងគំនូរជាច្រើនផ្ទាំងដែលត្រូវបានព្យួរនៅតាមជញ្ជាំងនៅជាន់ទី១។ វាសុទ្ធសឹងតែជាផ្ទាំងគំនូរអរូបីដែលមានបង្កប់រូបភាពទារកក្នុងផ្ទៃម្តាយ។ ផ្ទាំងគំនូរទាំងនេះតំណាងអោយទំនាក់ទំនងរវាងម្តាយនិងកូនក្នុងផ្ទៃ និងការទទួលខុសត្រូវរបស់ឪពុកម្តាយចំពោះជីវិតកូន។
