សន្នីសីទរបស់ក្រុមប្រទេសអាហ្វ្រិកនៃតំបន់សាហែលនៅព្រុចសែលនៅថ្ងៃសុក្រ២៣កុម្ភៈ
កងកម្លាំងរួមនៅតំបន់សាហែលស្វែងរកការគាំទ្រទាំងខាងនយោបាយនិងហិរញ្ញវត្ថុ។ នេះជាការអំពាវនាវថ្មីមួយនៅព្រឹកថ្ងៃសុក្រទី២៣តុលាម្សិលមិញនៅទីក្រុងព្រុចសែល នាឱកាសសន្និសីទមួយរបស់ក្រុមប្រទេសម្ចាស់ជំនួយដើម្បីការគាំទ្រកងកម្លាំងដែលកំពុងប្រយុទ្ធប្រឆាំងទល់នឹងភេរវនិយមនៅតំបន់សាហ៊ែលអាហ្វ្រិក។ ចូលរួមក្នុងសន្និសីទនេះ មានប្រធានាធិបតីមកពីប្រទេស Mali Niger Tchad Mauritanie និង Burkina Faso រួមទាំងប្រមុខរដ្ឋនិងរដ្ឋាភិបាលអ៊ឺរ៉ុបជាង៣០នាក់ទៀត។ កម្លាំងនៃបណ្តាប្រទេសអាហ្វ្រិកទាំង៥ ប្រមូលបានថវិកា២៥០លានអ៊ឹរ៉ូ ហើយគោលដៅរបស់គេ គឺរកអោយបានជាង៣០០លានអឺរ៉ូ។ ដូច្នេះ ជាបេសកម្មមួយបានសម្រេចហើយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៤២
គោលដៅសម្រេចបានហើយ ដោយសារសហគមន៍អន្តរជាតិនឹងជួយគាំទ្រអោយកងកម្លាំងរួមប្រចាំ តំបន់សាហែល អាហ្វ្រិក មានថវិការដល់ទៅចំនួន៤១៤លានអ៊ឺរ៉ូ។ សហភាពអឺរ៉ុបនិងបណ្តារដ្ឋអាហ្វ្រិកសមាជិកតំបន់សាហែលនឹងចូលរួមជិតពាក់កណ្តាលនៃថវិកានេះរួចទៅហើយ។
ប្រមុខការទូតអឺរ៉ុបលោកស្រី Federica Mogherini នៅពេលមកដល់ទីក្រុង Bruxelles នៅថ្ងៃសុក្រម្សិលមិញបានថ្លែងថា ”សន្តិភាព គេពុំអាចកាត់ថ្លៃបានឡើយនៅសាហែល។ សហភាពអឺរ៉ុប បានផ្តល់លុយចំនួន ៥០លានអ៊ឺរ៉ូជាបន្ថែមទៀតសម្រាប់កងកម្លាំងរួមនៃក្រុមប្រទេសអាហ្វ្រិកទាំង៥ នៅតំបន់សាហែល ដែលមានបេសកកម្មប្រយុទ្ធប្រឆាំងនឹងក្រុមអ៊ីស្លាមជីហាតនៅតំបន់សាហែល។
លោក Mahamadou Issoufouដែលជាប្រធានបច្ចុប្បន្ននៃក្រុមប្រទេសអាហ្វ្រិកទាំង៥ហៅកាត់ថា G 5 នៅសាហែល បានថ្លែងយ៉ាងទទូចថា “សម័យប្រជុំនេះ គឺដើម្បីរកអនាគតមួយអោយដល់កូចចៅអាហ្វ្រិកនៅសាហែល។ ដោយហេតុបច្ចុប្បន្ននេះ យុវវ័យអាហ្វ្រិក គ្មានជំរើសអ្វីក្រៅតែបញ្ហា២មុខគត់នោះទេ ទីមួយ គឺការប្រថុយប្រថានស្លាប់នៅក្នុងសមុទ្រដើម្បីគេចពីប្រទេសខ្លួន ឬក៏សុខចិត្តចូលរួមជាមួយបនឧក្រឹដ្ឋតាមការអំពាវនាវរបស់ពួកនេះ ដែលជាអ្នកទទួលខុសត្រូវនៅលើការជួញដូរអាវុធខុសច្បាប់ឬក៏គ្រឿងញានជាដើម”។
ប្រធាននៃក្រុមប្រទេសអាហ្វ្រិកថែមទាំង បានទទូចសុំអោយមានហិរញ្ញប្បទានមួយដ៏ចិរភាព។ ពីព្រោះយោងតាមយោបល់លោក “ការប្រយុទ្ធប្រឆាំងទល់នឹងអំពើភេរវនិយមនិងឧក្រឹដ្ឋកម្មគ្រោងទុក នឹងត្រូវចំណាយថវិកាប្រមាណជា១១៥លានអឺរ៉ូក្នុងមួយឆ្នាំៗ ។មួយទៀតគេក៏ពុំអាចប៉ាន់ស្មានដែរថាតើការប្រយុទ្ធប្រឆាំងនេះនឹងមានរយៈពេលទៅដល់ពេលណានោះដែរ។
ចំពោះប្រធានាធិបតី Niger “សន្តិសុខមានសារៈសំខាន់ខ្លាំងណាស់សម្រាប់ពិភពលោកទំាងមូល”។ យើងធ្វើការប្រយុទ្ធប្រឆាំងនឹងអំពើភេរវនិយមនេះ ក៏ដើម្បីប្រជាជននៅតំបន់សាហែលផង ក៏ព្រមទាំងប្រជាជនដទៃទៀតនៅលើលោកដែរ។ ដូច្នេះហើយ បានជាយើងត្រូវការ បណ្តាប្រទេសដទៃទៀតនៅលើលោក។
ចំណែកប្រធានគណៈកម្មាការសហភាពអាហ្វ្រិក លោក Moussa Faki Mahamat វិញ លោក បាន គូសបញ្ជាក់ថា ”ការប្រយុទ្ធប្រឆាំងនឹងភេរវនិយម ពុំមែនតែជាប់ពាក់ព័ន្ធជាមួយនឹងបណ្តាប្រទេសអាហ្វ្រិកនៅសាហែលប៉ុណ្ណោះទេ ដោយហេតុថា អំពើភេរវនិយម គ្មានព្រំដែនឡើយ ។ពូកភេរវជននៅតំបន់សាហែល ក៏ច្បាស់ជានឹងពង្រឹងការវាយប្រហាររបស់ពួកវា អោយកាន់តែខ្លាំងក្លាឡើងថែមទៀត ដូច្នេះហើយបានជាពួកយើងត្រូវតែ រកហិរញប្បទានឲ្យបានឆាប់ៗជា់ទីបំផុត សម្រាប់ការប្រយុទ្ធប្រឆាំងនៅលើទីលានសមរភូមិ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ