អាជ្ញាធររុស្ស៊ី បានចាប់ខ្លួន ជន ៤ នាក់ ដែលសន្មត់ជា ពួកភេរវជន
បុរស ៤ នាក់ ដែលសន្មត់ ជាសមាជិកនៃ អង្គការភេរវនិយម” រដ្ឋអ៊ីស្លាម” ត្រូវបានចាប់ខ្លួន ថ្ងៃព្រហស្បតិ៍ ២៥ឧសភា នៅម៉ូស្គូ ដោយស្ថាប័នសន្តិសុខជាតិរុស្ស៊ី FSB ដែលបានអះអាងថា ពួកគេ គ្រោងប្រព្រឹត្តអំពើភេរវកម្ម នៅតាមយានជំនិះសាធារណៈ ក្នុងរដ្ឋធានីរុស្ស៊ី តែម្តង។
ចុះផ្សាយនៅថ្ងៃ៖
ស្តាប់ - ០១:៥៥
“ចាប់ខ្លួនក្នុងដំណើរប្រព្រឹត្តទៅនៃប្រតិបត្តិការមួយ របស់ FSB ជាអតីត KGB សូវៀត សមាជិក ទាំង ៤ នាក់នេះ របស់អង្គការ ”រដ្ឋអ៊ីស្លាម” ដែលក្នុងនោះ មានជាតិរុស្ស៊ី និង ពួកដែលមានដើមកំណើត មកពីតំបន់អាស៊ីកណ្តាល បានគ្រោងប្រព្រឹត្តអំពើភេរវកម្ម នៅតាមយានជំនិះសាធារណៈ ដោយប្រើធាតុផ្ទុះ ច្នៃខ្លួនឯង “- ការនេះ មាននិយាយក្នុងសេចក្តីជូនដំណឹង របស់ស្ថាប័នសន្តិសុខជាតិរុស្ស៊ី FSB ដែលបន្ថែម ថា ៖ ពេលឆែកឆេរ ក្នុងលំនៅពួកដែលត្រូវបានចាប់ខ្លួននោះ អង្គភាពកម្លាំងសណ្តាប់ធ្នាប់ បានប្រទះភ្នែក ឃើញរោងជាង ដែលផលិតគ្រឿងបំផ្ទុះ , ធាតុផ្ទុះ ត្រៀមជាស្រេចទុក សម្រាប់ប្រើ និង គ្រឿងផ្សំរបស់វា ព្រមទាំង កាំភ្លើងស្វ័យប្រវត្តិ ស្បៀង គ្រាប់បែកដៃ។
តាមការឲ្យដឹងនៃ FSB ពួកគេ ក៏រក្សាទុកក្នុងលំនៅគេ គឺ “សៀវភៅ និង វីដេអូ ដែលមានលក្ខណៈ ជ្រុលនិយម និង ភេរវនិយម”។
FSB ក៏កត់សម្គាល់ថា ៖ ក្រុមភេរវជននេះ ទទួលបទណែនាំ ពីមេវា នៅស៊ីរី ហើយ ក្រោយពីវា ប្រព្រឹត្តអំពើ ភេរកម្ម ក្នុងរដ្ឋធានីរុស្ស៊ី រួចហើយ វាសង្ឃឹមគេចខ្លួន ទៅពួនសម្ងំ នៅស៊ីរី។
គួរនិយាយថា អាជ្ញាធររុស្ស៊ី រឹតបន្តឹងវិធានការសន្តិសុខ តាំងពីមានអំពើភេរវកម្មបំផ្ទុះគ្រាប់បែក ក្នុងមេត្រូក្រុង Saint-Petersbourg កាលពីថ្ងៃ ទី ៣ មេសា ដែលបានផ្តាច់ជីវិតអ្នកធ្វើដំណើរ អស់ ១៥ នាក់ ឯណោះ។
មេចាត់ចែងភេវកម្មនោះ គឺបងប្អូនពីរនាក់ មកពីប្រទេស កៀហ្ស៊ីស៊ីស្ថាន តំបន់អាស៊ីកណ្តាល ត្រូវបាន ប្រកាស នៅថ្ងៃព្រហស្បតិ៍ ២៥ ឧសភា ថា ជាប់ពិរុទ្ធ ក្នុង” បទភេរវនិយម “ និង “ជួញអាវុធខុសច្បាប់” -នេះ បើតាមសំដីមេធាវីរបស់គេ។
តាមតួលេខ FSB សព្វថ្ងៃ មានពលរដ្ឋនៃបណ្តាប្រទេសអតីតសហភាពសូវៀត ប្រមាណ ៧.៥០០ នាក់ បានភ្ជាប់ខ្លួន ទៅនឹង ក្រុមពួកភេរវជនប្លែកៗនៅស៊ីរី-ពួកដែលខំសងសឹករុស្ស៊ី ចំពោះ អន្តរាគមន៍យោធា ទៅក្នុងប្រទេសនោះ តាំងពីថ្ងៃ ៣០ កញ្ញាឆ្នាំ ២០១៥ មក ដើម្បីកំទេចសំបុកពួកគេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ