បុរីវ៉ាទីកង់នឹងបង្កើតក្រសួងដោះស្រាយបញ្ហាគ្រប់ជំពូករបស់មនុស្សជាតិ
នៅថ្ងៃពុធនេះ វិមានវ៉ាទីកង់របស់សម្តេចFrançois បានប្រកាស ជូនដំណឹងអំពី គម្រោងបង្កើតក្រសួងដ៏សម្បើមមួយដើម្បីជួយដោះស្រាយរាល់បញ្ហាមនុស្ស ជាតិ។ ក្រសួងនេះ នឹងមានបន្ទុកទទួលខុសត្រូវខាងបញ្ហាយុត្តិធម៌ បញ្ហាសុខភាពឬក៏បញ្ហាសាមគ្គីភាពជាដើម ក៏ប៉ុន្តែនៅលើបញ្ហា”ការធ្វើចំណាកស្រុក”វិញ ត្រូវស្ថិតនៅក្រោមអំណាចផ្ទាល់របស់សម្តេចប៉ាប”។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣២
ក្រសួងថ្មីរបស់វិមានវ៉ាទីកង់ដែលនឹងត្រូវទទួលបន្ទុកគ្រប់គ្រងលើបញ្ហាមនុស្សជាតិគ្រប់សព្វនេះ គឺជាផលផ្លែនៃការច្របាច់បញ្ចូលគ្នារវាងសេវ៉ាកម្មចំនួន៤ដែលកាលពីមុន ទទួលបន្ទុកគ្រប់គ្រងនៅលើបញ្ហាទាំងនេះ។
ក្រសួងថ្មីនេះ មានភារៈកិច្ចជួយគិតគូរដោះស្រាយបញ្ហាមនុស្សជាតិគ្រប់ជំពូក ដួចជាបញ្ហារបស់អ្នកជម្ងឺបញ្ហារបស់ជនដែលត្រូវសង្គមមិនរាប់រក បញ្ហាជនអនាថាគ្មានទីពឹងពំនាក់បញ្ហាជនរងគ្រោះនៅក្នុងជម្លោះប្រដាប់អាវុធនិងក្នុងគ្រោះមហន្តរាយធម្មជាតិ បញ្ហារបស់អ្នកទោសជាប់ឃុំឃាំង បញ្ហាអ្នកអត់ការងារធ្វើនិងបញ្ហាជនរងគ្រោះដោយអំពើជិះជាន់និងដោយការធ្វើទារុណកម្ម-នេះបើយោងតាមក្រឹត្យរបស់សម្តេចប៉ាប។ ក៏ប៉ុន្តែបញ្ហាការធ្វើចំណាកស្រុកវិញនឹងត្រូវស្ថិតនៅក្រោមអំណាចរបស់សម្តេចប៉ាបផ្ទាល់។
ក្រសួងដ៏ទំនើបអស្ចារ្យរបស់វិមានវ៉ាទីកង់នេះនឹងចាប់កំណើតនៅថ្ងៃទី១មករាឆ្នាំ២០១៧ ហើយនឹងត្រូវស្ថិតនៅក្រោមការគ្រប់គ្រងរបស់គណៈសង្ឃកាតូលីដែលជាកាឌីណាល់សញ្ជាតិហា្កណាឈ្មោះ Peter Turkson ដែលមកទល់ពេលនេះ មានឋានៈជាប្រធាន
ក្រុមប្រឹក្សាភិបាលរបស់សម្តេចប៉ាបទទួលបន្ទុកផ្នែកយុត្តិធម៌និងសន្តិភាព។ គឺជាសេវ៉ាកម្មមួយដែលនឹងត្រូវដាក់បញ្ចូលនៅក្នុងរចនាសម្ព័ន្ធថ្មីនេះ។
សួមបញ្ចាក់ថាចាប់តាំងពីបានឡើងជាប៉ាបនៅឆ្នាំ២០១៣មក សម្តេចប៉ាបFrançois បានផ្តួចផ្តើមធ្វើកំណែទម្រង់មួយយ៉ាងស៊ីជម្រៅនៅក្នុងបូរីវ៉ាទីកង់ក្នុងគោលដៅដើម្បីកាត់បន្ថយការចំណាយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ