ប្រមុខការទូតរុស្ស៊ីនិងអាមេរិកព្រមានទល់នឹងការ”បំពុលលំហព័ត៌មាន”ដោយរឿងមិនគោរពតាមបទឈប់បាញ់នៅស៊ីរី
ជាទូទៅបទឈប់បាញ់នៅស៊ីរីដែលចូលជាធរមានបានជាង២ថ្ងៃហើយ ត្រូវសាមីភាគីគោរពតាមទោះបីនៅតាមកន្លែងខ្លះនៅមានការផ្ទុះអាវុធមួយដងមួយកាលក្តីហេតុដែលបណ្តាលឲ្យមានការចោទគ្នាទៅវិញទៅមក។ ម៉្លោះហើយបានជារដ្ឋមន្ត្រីការបរទេសរុស្ស៊ីយប់មិញ បានទូរស័ព្ទទៅសមភាគីអាមេរិកក្នុងឋានៈជាសហប្រធាននៃ”ក្រុមអន្តរជាតិគាំទ្រស៊ីរី” ដើម្បីផ្លាស់ប្តូរមតិគ្នាជុំវិញដំណើរបំពេញតាមកិច្ចព្រមព្រៀងដែលស្តីអំពីការបញ្ឈប់យុទ្ធនាការនៅលើដីស៊ីរី។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៤
ក្នុងសេចក្តីជូនដំណឹងនៃក្រសួងការបរទេសរុស្ស៊ី មាននិយាយថា ៖ ពេលសន្ទនាគ្នា តាមទូរស័ព្ទ លោក ស៊ែរហ្គៃ ឡាវ្រ៉ូវ និង លោក ឆន ឃេរី បានបញ្ជាក់ពីសារៈសំខាន់នៃការ សម្របសម្រួលគ្នាតាមកាណាល់យោធារវាងរុស្ស៊ីនិងអាមេរិក ក្នុងឋានៈជាសហប្រធាននៃ”ក្រុមអន្តរជាតិគាំទ្រស៊ីរី”។ ទាំងប្រមុខការទូតរុស្ស៊ីទាំងរដ្ឋមន្ត្រីការបរទេសអាមេរិក សុទ្ធតែកត់សម្គាល់ដូចគ្នាថា “ជាការមិនអាចបណ្តោយឲ្យមានទៅកើតឡើយ ការគ្រវែងទៅបំពុល លំហព័ត៌មានរឿងមិនគោរពស្អីណាតាមបទឈប់បាញ់។
ជាការរំលឹកមួយថ្ងៃមុន លោករដ្ឋមន្ត្រីការបរទេស អារ៉ាប៊ី សាអ៊ូឌីត Adel al Jubeir ដោយថ្លែងក្នុងសន្និសីទកាសែត បានចោទកងអាកាសរុស្ស៊ីនិងស៊ីរី ថារំលោភលើបទឈប់បាញ់។ តាមសម្តីគាត់ការគោរពតាមបទឈប់បាញ់គឺជាទ្រនិចសំខាន់ចង្អុលឲ្យឃើញពីដំណោះស្រាយដោយសន្តិវិធីឲ្យវិបត្តិស៊ីរីតាមរយៈការបង្កើតជារបបគ្រប់គ្រងអន្តរកាលនិងការផ្ទេរអំណាចពីដៃលោកអាសាដទៅឲ្យរដ្ឋបាលបណ្តោះអាសន្ននេះ។ ពុំនោះសោតទេ នៅមានផែនការ “ B “ ដែលប្រមើលឲ្យលោកអាសាដចុះចេញពីតំណែងឬមួយដោយស្ម័គ្រចិត្តឬមួយតាមផ្លូវយោធាបង្ខំឲ្យគាត់ចុះចេញ។
ចំណែកលោកអនុរដ្ឋមន្ត្រីការបរទេសរុស្ស៊ី Mikhail Bogdanov ប្រតិកម្មថាសេចក្តីថ្លែងការណ៍របស់ប្រមុខការទូតអារ៉ាប៊ីសាអ៊ូឌីត គឺបញ្ច្រាសទាំងស្រុងនឹងសេចក្តីសម្រេចចេញដោយក្រុមប្រឹក្សាសន្តិសុខអ.ស.ប. ហើយអនុម័តជាឯកច្ឆន្ទស្របនឹងការយោគយល់គ្នាទៅវិញទៅមកដែលមានសម្រេចបាននៅក្រុង Vienne ទាំងមានការចូលរួមរបស់អារ៉ាប៊ីសាអ៊ូឌីតផ្ទាល់ទន្ទឹមនឹង ស.រ.អា. រុស្ស៊ី តួកគី។
រីឯ នាយកមជ្ឈមណ្ឌលរុស្ស៊ីខាងផ្សះផ្សាភាគីបដិបក្ខនៅស៊ីរី លោកឧត្តមសេនីយ Serguei Kouralenko បានថ្លែងថាក្នុង១ថ្ងៃ១យប់កន្លងទៅ ក្រោយពីបទឈប់បាញ់ចូលជាធរមាន មានកត់ត្រាឃើញ តែ៩ករណីប៉ុណ្ណោះនៃការរំលោភលើបទឈប់បាញ់ ប៉ុន្តែ ជាទូទៅរបបឈប់បាញ់ត្រូវសាមីភាគីបំពេញតាមទេតើ។
ការឈប់បាញ់នេះ គឺបើកផ្លូវឲ្យអ.ស.ប. ដឹកក្នុង៥ថ្ងៃចំពោះមុខ នូវជំនួយមនុស្សធម៌សំខាន់ ជាអាយុជីវិតទៅផ្គត់ផ្គង់ដល់បណ្តាជនស៊ីរីជាង ១សែន៥ម៉ឺននាក់ដែលរស់នៅក្នុងតំបន់ ឡោមព័ទ្ធជាប់ហើយក្នុងត្រីមាសទី១នេះ គឺសម្រាប់ជួយដល់អ្នកស្រុកស៊ីរីដល់ទៅ១លាន៧សែននាក់ដែលជាប់គាំងក្នុងតំបន់បែបនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ