កិច្ចព្រមព្រៀងរុស្ស៊ី-អាមេរិកស្តីអំពីបទឈប់បាញ់នៅស៊ីរីនឹងចូលជាធរមានយប់នេះ
ថ្ងៃសុក្រនេះ រុស្ស៊ីនិងអាមេរិក ត្រូវកំណត់របៀបរបបអនុវត្តតាមបទឈប់បាញ់នៅស៊ីរី។ ម៉្លោះហើយបានជា អ.ស.ប. ចាត់ទុកថ្ងៃនេះ ថាមានន័យជា”គន្លឹះ”កាលដែលសល់ប៉ុន្មានម៉ោងទៀតដល់កណ្តាលអធ្រាត្រម៉ោងនៅស៊ីរីកិច្ចព្រមព្រៀងរុស្ស៊ី-អាមេរិកស្តីអំពីការឈប់បាញ់នៅទីនោះ ត្រូវចូលជាធរមានជាលើកទីមួយបើគិតក្នុង៥ឆ្នាំកន្លងទៅនៃសង្គ្រាមនៅស៊ីរី។ ឯកសារដែលមានត្រូវអនុម័តថ្ងៃសុក្រនេះដោយក្រុមប្រឹក្សាសន្តិសុខអ.ស.ប. ឲ្យក្លាយទៅជាសេចក្តីសម្រេចអន្តរជាតិចងជាកាតព្វកិច្ចឲ្យគ្រប់ភាគីពាក់ព័ន្ធបំពេញតាមខានមិនបាន។
ចុះផ្សាយនៅថ្ងៃ៖
ស្តាប់ - ០២:០០
លោកប្រធានាធិបតីអាមេរិក បារ៉ាក់ អូបាម៉ា តាំងពីម្សិលមិញទៅហើយ បានគូសបញ្ជាក់ថា រយៈពេលខាងមុខដែលត្រូវឈានមកដល់នឹងរំលេចឲ្យឃើញ “សារៈសំខាន់ជាគ្រឹះគន្លឹះ” នៃកិច្ចព្រមព្រៀងនេះ ហើយបានអំពាវនាវ គ្រប់ភាគីពាក់ព័ន្ធជាពិសេស ក្រុងម៉ូស្គូនិងក្រុងដាម៉ាសឲ្យបំពេញតាមពាក្យសន្យារបស់ខ្លួន។
របបលោកបាស្ហា អាល់ អាសាដ, ភាគីស៊ីរីដែលប្រឆាំងនឹងរបបនេះ ព្រមទាំងកងកម្លាំងគួដ បានប្រកាសថានឹងគោរពតាមកិច្ចព្រមព្រៀងនេះ ប៉ុន្តែក្តីមន្ទិ នៅតែសណ្ឋិតនៅនៅឡើយ ចំពោះការបំពេញតាមបទឈប់បាញ់នេះ។
ពួកឧទ្ទាមស៊ីរី ធ្លាក់ខ្លួនខ្សោយណាស់ទៅហើយ ដោយមកពីការកើនកម្លាំងនៃ ពពួកក្រុមជីហាត លុះទាល់តែឥឡូវ នៅត្រួតត្រាតែលើដែនដីមួយភាគតូចនៅក្បែរក្រុងដាម៉ាស។
ចំណែក ពួកអង្គការជីហាត ក្រុមភេរវនិយម”រដ្ឋអ៊ីស្លាម” និង “ រណសិរ្ស អាន ណូស្រា “ ដែលជាសាខា របស់អង្គការភេរវនិយមអន្តរជាតិ “អាល់ កៃដា “ ប្រចាំនៅស៊ីរី ហើយដែលសរុបទៅ កាន់កាប់ដែនដីមួយភាគធំនៅស៊ីរី ស្របនឹងកិច្ចព្រមព្រៀងឈប់បាញ់ បន្តស្ថិតនៅជាស៊ីប នៃ ការវាយប្រហារតទៅទៀត ពីខាងកងទ័ពរបបក្រុងដាម៉ាស ពីខាង កងអាកាសរុស្ស៊ី ពីខាង យន្តហោះយោធានៃសម្ព័ន្ធអន្តរជាតិ ក្រោមការដឹកនាំរបស់ស.រ.អា.។
របៀបរបបឈប់បាញ់ដែលមានលក្ខណៈស្មុគស្មាញនៅលើសមរភូមិផ្ទាល់ ត្រូវលើកយកទៅ ពិនិត្យមើលនារសៀលថ្ងៃសុក្រនេះ នៅឯក្រុងហ្ស៊ឺណែវដោយ”ក្រុមអន្តរជាតិគាំទ្រស៊ីរី” ដែលរួមក្តោប ១៧ប្រទេស -និងដែលមានរុស្ស៊ីនិងអាមេរិកជាសហប្រធាន។
ព្រមជាមួយនេះ នៅឯក្រុង ញីវយ៉កថ្ងៃសុក្រនេះដែរក្រុមប្រឹក្សាសន្តិសុខ អ.ស.ប. ត្រូវអនុម័តសេចក្តីសម្រេចដែលផ្តល់សច្ចាប័នដល់កិច្ចព្រមព្រៀងរុស្ស៊ី-អាមេរិកស្តីអំពីការបញ្ឈប់ភាពជាសត្រូវក្នុងប្រទេសស៊ីរី ដែលតម្រូវឲ្យគ្រប់សាមីភាគីបំពេញតាម។
តាមតួលេខអ.ស.ប. សង្គ្រាម៥ឆ្នាំនៅស៊ីរី បានផ្តាច់ជីវិតបណ្តាជន អស់ ២សែន៧ម៉ឺននាក់ បែអ្នកស្រុក ១១លាននាក់ក្លាយជាជនបន្លាស់ទីពីក្នុងនោះ ៤លាននាក់ជាជនភៀសខ្លួនទៅជ្រកកោននៅតាមប្រទេសក្រៅ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ