ជន១២នាក់ត្រូវបានចាប់ខ្លួន នៅក្នុងក្របខ័ណ្ឌនៃប្រតិបត្តិការប្រឆាំងនឹងភេរវនិយម
នៅប្រទេសអង់គ្លេស ជន១២នាក់ត្រូវបានចាប់ខ្លួននៅក្នុងទីក្រុងអង់គ្លេសបួន រួមមានទីក្រុងLondresនិងCardiff ( តំបន់Pays de Gallesខាងលិចប្រទេសអង់គ្លេស )នៅថ្ងៃចន្ទម្សិលមិញ២០ធ្នូ នៅឱកាសប្រតិបត្តិការដ៏ធំធេងមួយប្រឆាំងនឹងភេរវនិយម។ មានអាយុពី១៧ទៅ២៨ឆ្នាំ ជនទាំងនេះត្រូវប៉ូលិសមន្ទិលសង្ស័យថាកំពុងរៀបចំអំពើភេរវកម្ម។ ចាប់ពីដើមឆ្នាំនេះមក ប្រទេសអង់គ្លេសបានលើកមួយកំរិតថែមទៀតការប្រកាសអាសន្នរបស់ខ្លួនអំពីភេរវកម្មគឺបានឆ្លងពី” សំខាន់ “ទៅ” ធ្ងន់ធ្ងរ “ មានន័យថាអាចមានលទ្ធភាពច្រើនណាស់ក្នុងការកើតមានអំពើភេរវកម្ម។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ Adrien Moss ពីទីក្រុងឡុងប្រែសំរួលដោយ វីនស្តុន រតនា
ប្រតិបត្តិការព័ទ្ធគ្រញឹកចាប់ភេរវជននេះត្រូវបានធ្វើនៅថ្ងៃចន្ទ២០ធ្នូ នៅម៉ោង៥ព្រឹក នៅទីកន្លែងជាច្រើន។ភេរវជនបីនាក់ត្រូវបានចាប់ខ្លួន នៅទីក្រុង Londres ៥នាក់នៅទីក្រុងCardiffនៃតំបន់Pays de Gallesខាងលិចប្រទេសអង់គ្លេស ៤នាក់ទៀតនៅទីក្រុងStoke-on-Trentស្ថិតនៅកណ្តាលប្រទេសអង់គ្លេស។
ប៉ូលិសប្រព្រឹត្តតាមព័ត៌មានសម្ងាត់បានមកពីសេវាអឺរ៉ូប អាមេរិកាំងនិងប៉ាគីស្តង់ប្រឆាំងនឹងភេរវនិយម តាមរយៈការស្ទាក់ស្កាត់ចាប់បានសារអេឡិចត្រូនិកឆ្លើយឆ្លងគ្នា។
ជនជាប់មន្ទិលសង្ស័យទាំង១៤នាក់នេះដែលសុទ្ធសឹងជាបុរសអាយុពី១៧ទៅ២៨ឆ្នាំគឺជាជនជាតិអង់គ្លេស ភាគច្រើនមានដើមកំណើតមកពីប្រទេសBangladesh។ជនទាំងនេះប្រហែលជាបានរៀបចំអំពើភេរវកម្មដោយគ្រាប់បែកនិងគ្រឿងផ្ទុះ ប្រហែលតាមរបៀបនៃការវាយប្រហារទៅលើសណ្ឋាគារ នៅទីក្រុងBombayនៅប្រទេសឥណ្ឌាដែលបានបណ្តាលឱ្យស្លាប់ជន១៦៦នាក់។
ស្របតាមប៉ូលិស សកម្មភាពរបស់ពួកជនទាំងនេះបានផ្តល់ជាដើមគំនិតឱ្យអាល់-កៃដានិងពុំត្រូវបានបញ្ជាដោយអាល់-កៃដានោះទេ។ការនេះនាំឱ្យគិតថាយើងស្ថិតនៅពីមុខពួកជនដែលប៉ងប្រាថ្នាចង់ក្លាយខ្លួនជាភេរវជនប្រព្រឹត្តដោយដើមគំនិតផ្ទាល់ខ្លួន។
គ្រប់តែអាសយដ្ឋានជាទីដែលបុរសទាំង១២នាក់នេះត្រូវបានចាប់ខ្លួន កំពុងត្រូវប៉ូលិសឆែកឆេរកកូរកកាយ។ប៉ូលិសដែលបានធ្វើអន្តរាគមន៍ពុំត្រូវបានប្រដាប់អាវុធទេ ប្រហែលមកពីជនជាប់មន្ទិលសង្ស័យត្រូវបានឃ្លាំមើលជាយូរមកហើយ។ពួកជនទាំងនេះអាចត្រូវប៉ូលិសសាកសួរចម្លើយក្នុងអំឡុងពេល១៤ថ្ងៃ បន្ទាប់មក១៤ថ្ងៃទៀត ដោយមានការយល់ព្រមពីតុលាការផង មុននឹងត្រូវជាប់ចោទជាផ្លូវការឬក៏ត្រូវដោះលែងទៅវិញ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ