នៅក្នុងមួយឆ្នាំៗ យ៉ាងហោចណាស់មានយុវជនខ្មែរពី៥ម៉ឺនទៅ១០ម៉ឺននាក់ បានបញ្ចប់ការសិក្សាកម្រិតវិទ្យាល័យបាក់ឌុប ប៉ុន្តែគេសង្កេតឃើញមានយុវជនខ្មែរតែម្នាក់ក្នុងចំណោម២០នាក់តែប៉ុណ្ណោះ ដែលអាចទទួលបានការអប់រំនៅកម្រិតឧត្តមសិក្សាជាន់ខ្ពស់។ ទោះបីជាតួរលេខខាងលើនេះបង្ហាញពីការរីកចម្រើននៃវិស័យអប់រំខ្មែរបើប្រៀបទៅនឹងប្រទេសកម្ពុជាកាលពី១០-២០ឆ្នាំមុន ប៉ុន្តែអ្នកវិភាគមើលឃើញថាការវិវត្តនេះនៅមានកម្រិតទាបនៅឡើយបើប្រៀបទៅនឹងប្រទេសផ្សេងៗទៀតក្នុងតំបន់អាស៊ាន។
