ប្រិយមិត្តអ្នកស្តាប់ជាទីមេត្រី! ចំណីមួយម៉ាត់ដាក់ចូលក្នុងមាត់ អាចឃាត់ការស្រេកឃ្លាន កុំអោយមានមួយរយៈពេល។ ឃ្លានគឺអ្វីទៅ? ឆ្លើយថា គឺគេត្រូវការរឺចង់បានអ្វីមួយសម្រាប់ខ្លួនគេ។ ឃ្លានសប្បាយ ឃ្លានបាយ ឃ្លានទេសភាពប្លែក ៗ ឃ្លានកាយស្រីស្រស់រឺប្រុសស្អាត ឃ្លានចំណេះដឹងមានការភ្ជួរ រាស់ ស្ទូងស្រូវជាអាទិ ឃ្លានអានសៀវភៅបង្កើនការត្រិះរិះពិចារណា ឃ្លានស្តាប់ព្រឹត្តិបត្រ "ខ្ញុំនិយាយពីរភាសា" រឺក៏ឯកសារប្រវត្តិសាស្ត្រ និងព័ត៌មានប្រចាំថ្ងៃ។ល។ ប៉ុន្តែ ការឃ្លានអាហារមកជាយូរខែថ្ងៃ ដោយគ្មានអ្វីសោះបំពេញក្រពះ គេច្បាស់ជានឹងស្លាប់ពុំខានឡើយ។