គ្រោះរញ្ជួយដីនៅភាគនិរតីចិន សម្លាប់មនុស្សយ៉ាងហោច៣៩៨នាក់
នៅរសៀលម៉ោង៤កន្លះ ថ្ងៃអាទិត្យ៣សីហានេះ តំបន់ភ្នំខេត្តយូណាន ភាគនិរតីប្រទេសចិនបានរងគ្រោះរញ្ជួយដី កម្រិត៦,១ រ៉ិចទ័រ សម្លាប់មនុស្សយ៉ាងហោច៣៩៨នាក់។ តំបន់ភ្នំភាគនិរតីចិន ធ្លាប់រងគ្រោះរញ្ជួយដីច្រើនលើកមកហើយ។
ចុះផ្សាយនៅថ្ងៃ៖ កែប្រែថ្ងៃទី៖
ហេតុការណ៍រញ្ជួយដីនៅខេត្តយូណាន ប្រទេសចិន ថ្ងៃអាទិត្យនេះ បានកើតឡើង នៅតាមតំបន់ភ្នំ ភាគនិរតី បង្កការខូចខាតដល់សំណង់អគារជាច្រើនកន្លែង ពិសេសអគារដែលសាងសង់យូរយារមកហើយ។ យោងតាម វិទ្យាស្ថានផ្នែកភូមិវិទ្យាអាមេរិក USGS ការរញ្ជួយបានចាប់កើតឡើង នៅជម្រៅ១០គីឡូម៉ែត្រពីក្នុងដីមក។ ក្រុមពន្លត់អគ្គិភ័យ និងកងកម្លាំងសន្តិសុខចិន បាននាំគ្នាចុះទៅកន្លែងកើតហេតុការណ៍។ វិទ្យាស្ថានអាមេរិកUSGS ប្រាប់ទៀត ថា ផ្ទះសម្បែងក្នុងតំបន់នេះ មិនសូវមាំទាំដើម្បីប្រឈមទប់ទល់នឹងគ្រោះរញ្ជួយដីទេ។
តំបន់ភ្នំចិន ចន្លោះពីខេត្តយូណាន ខេត្តស៊ីឈាន់Sichuan ទៅខេត្តឈីជូ Guizhou ជាតំបន់ដែលគេពិបាកចូលទៅដល់។ ក្នុងប៉ុន្មានទសវត្សចុងក្រោយនេះ តំបន់ភ្នំតាមខេត្តទាំង៣នេះ ធ្លាប់បានរងហេតុការណ៍រញ្ជួយដីធ្ងន់ធ្ងរច្រើនលើករួចមកហើយ។ យោងតាមសារព័ត៌មានចិនថ្មី កាលពីឆ្នាំ១៩៧៤ តំបន់ភ្នំចិនបានរងគ្រោះរញ្ជួយដី កម្រិត៦,៨រ៉ិចទ័រ សម្លាប់មនុស្សជាង១៥០០នាក់។ ខែកញ្ញា ឆ្នាំ២០១២ ហេតុការណ៍រញ្ជួយដីចំនួន២ បន្តបន្ទាប់គ្នា ចន្លោះខេត្តយូណាន និងឈីជូGuizhou បានសម្លាប់មនុស្ស៨០នាក់។ ហើយកាលពីឆ្នាំ២០០៨ វិញ នៅខេត្តស៊ីឈាន់ក្បែរនោះ ដែលជាខេត្តសំបូរប្រជាជនរស់នៅ គ្រោះរញ្ជួយដី កម្រិត៨,០រ៉ិចទ័របានធ្វើអោយមនុស្ស៨៧០០០នាក់ ស្លាប់និងបាត់ខ្លួន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ