ចិនបរិហារលើរបាយការណ៍របស់អង់គ្លេសស្តីពីរឿងសិទ្ធិមនុស្សនៅចិន
នៅថ្ងៃអង្គារ ទី១៥ មេសា រដ្ឋាភិបាលទីក្រុងប៉េកំាងបានចោទរដ្ឋាភិបាលទីក្រុងឡុងដ៏ពីបទបានលូកដៃចូលជ្រៀតជ្រែកកិច្ចការផ្ទៃក្នុងរបស់ចិន។ ការចោទប្រកាន់របស់ចិនលើប្រទេសអង់គ្លេសពេលនេះបានធ្វើឡើង បន្ទាប់ពីអង់គ្លេសបានផ្សព្វផ្សាយរបាយការណ៍ប្រចំាឆ្នំាស្តីពីសិទ្ធិមនុស្ស។ នៅក្នុងរបាយការណ៍នោះ ទីក្រុងឡុងដ៏បានដាក់ប្រទេសចិនទៅក្នុងបញ្ជីប្រទេសដ៏គួរឲ្យព្រួយបារម្ភ។
ចុះផ្សាយនៅថ្ងៃ៖
ស្តាប់ - ០១:៣៤
នៅក្នុងរបាយការណ៍ស្តីពីសិទ្ធិមនុស្សប្រចំាឆ្នំា ២០១៣ រដ្ឋាភិបាលអង់គ្លេសបានកត់សម្គាល់ឃើញពីកំណើននៃការបំបិទសិទ្ធិក្នុងការបញ្ចេញមតិ និងការជួបជុំនៅក្នុងប្រទេសចិន។ ទន្ទឹមគ្នានេះ របាយការណ៍ក៏បានលើកឡើងពីការដែលរដ្ឋាភិបាលចិនបានប្រើកម្លំាងគាបសង្កត់លើក្រុមជាតិពិន្ធុនៅទីបេ និងនៅស៊ីនជំាង។ ប្រតិកម្មភ្លាមៗនឹងរបាយការណ៍របស់អង់គ្លេសនេះ រដ្ឋាភិបាលទីក្រុងប៉េកំាងបានលុបចោលកិច្ចចរចារឿងបញ្ហាសិទ្ធិមនុស្សជាមួយរដ្ឋាភិបាលទីក្រុងឡុងដ៏ដែលគ្រោងធ្វើនៅថ្ងៃពុធ ទី១៦ មេសានេះ។
នៅក្នុងសន្និសីទកាសែតមួយ លោកស្រីហ៊័រ ជុនយីង អ្នកនំាពាក្យក្រសួងការបរទេសចិនបានចោទអង់គ្លេសដោយត្រង់ៗថា បានរៀបចំប្រឌិតរបាយការណ៍មួយស្តីពីនយោបាយចិនដោយមិនបានផ្អែកលើការពិត និងគ្មានការពិចារណា ពិសេសបានធ្វើការបរិហារ និងធ្វើការទិតៀនដោយបំប៉ោងស្តីពីសិទ្ធិមនុស្សក្នុងប្រទេសចិន។ លោកស្រីជុនយីងបានទាមទារឲ្យអង់គ្លេសបញ្ឈប់ជាបន្ទាន់នូវការយករឿងសិទ្ធិមនុស្សមកធ្វើជាលេសដើម្បីលូកដៃចូលជ្រៀតជ្រែកកិច្ចការផ្ទៃក្នុងរបស់ចិន។
គួរជម្រាបជូនថា ប៉េកំាង និងឡុងដ៏បានឯកភាពគ្នាក្នុងការជួបចរចារឿងសិទ្ធិមនុស្សឡើងវិញ នាឱកាសដំណើរទស្សនកិច្ចផ្លូវការរបស់លោកនាយករដ្ឋមន្រ្តីអង់គ្លេសដាវីដ កាមេរ៉ូននៅក្នុងប្រទេសចិនកាលពីខែធ្នូ ឆ្នំា ២០១៣។ ទស្សនកិច្ចដែលមានគោលដៅពង្រឹងឡើងវិញនូវទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសទំាងពីរ។ ទីក្រុងឡុងដ៏បានសម្តែងការសោកស្តាយយ៉ាងខ្លំាងចំពោះការដែលទីក្រុងប៉េកំាងបានលុបចោលជំនួបដែលបានកំណត់នៅថ្ងៃពុធ ទី១៦ មេសានេះ និងថា ភាគីទំាងពីរកំពុងពិភាក្សាគ្នាដើម្បីកំណត់ថ្ងៃជួបនៅពេលក្រោយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ