ភ្ញៀវប្រចាំថ្ងៃរបស់វិទ្យុបារាំងនៅថ្ងៃសៅរ៍នេះ គឺលោកជាង ឬទ្ធី តំណាងក្រុមការងារដើម្បីសន្តិភាព។ ក្រុមការងារដើម្បីសន្តិភាព នឹងរៀបចំពិធីជួបជុំនៅខាងមុខព្រះបរមរាជវាំង នៅល្ងាចថ្ងៃអាទិត្យស្អែកនេះ ដើម្បីប្រារព្ធទិវាសន្តិភាពអន្ដរជាតិលើកទី៣។ ឆ្លើយនឹងសំណួររបស់វិទ្យុបារាំងអន្ដរជាតិ លោកជាង ឬទ្ធី មានប្រសាសន៍ថា សន្តិភាពនៅកម្ពុជា មានកម្រិត មិនទាន់ពេញលេញនៅឡើយទេ។ ដើម្បីទទួលបានសន្តិភាពពេញលេញ លោកជាង ឬទ្ធីថា ទាល់តែមានការចូលរួមទាំងអស់គ្នាពីប្រជាពលរដ្ឋ និងរាជរដ្ឋាភិបាល។
