អ្នកអភិរក្សសិល្បៈបុរាណខ្មែរ ត្រូវការកម្លាំងចិត្តច្រើនជាងថវិកាពីជនរួមជាតិ
ចុះផ្សាយនៅថ្ងៃ៖
ស្តាប់ - ០៨:១១
ដោយសារតែមានចំណូលចិត្ត បំណងរក្សាផ្សព្វផ្សាយលើកស្ទួយ និងជឿជាក់លើប្រជាប្រិយភាពរបស់សិល្បៈបុរាណខ្មែរដូចគ្នា យុវជនមួយក្រុមបានផ្តើមបង្កើតសាលាឈ្មោះថា «សាលាសិល្បៈចំរុះចំប៉ី» មួយ កាលពីដើមឆ្នាំ២០១៣ ដែលបណ្តុះបណ្តាលជំនាញសិល្បៈបុរាណខ្មែរផង និងឧបត្ថម្ភដល់កុមារខ្មែរផង។ វគ្គសិក្សាពេញម៉ោងលើជំនាញ របាំបុរាណខ្មែរ គំនូរបុរាណ ភ្លេងបុរាណខ្មែរ និងចាប៉ីដងវែង ដោយមិនគិតប្រាក់ បែរក្លាយជាវិបាកមួយ ក្នុងការរក្សាសិស្សដែលចុះឈ្មោះអោយនៅសិក្សារហូតដល់ចប់កម្មវិធី រយៈពេល២ឆ្នាំ ព្រោះសិស្សខ្លះគ្មានពេលគ្រប់គ្រាន់ ដើម្បីរៀនពេញម៉ោង។ សម្រាប់សាលាឯកជនមួយនេះ ថវិកាមិនមែនជាបញ្ហាសំខាន់ទេដើម្បីទ្រទ្រង់សិល្បៈបុរាណខ្មែរ។ អ្វីដែលពួកគេចង់បាន គឺជាកម្លាំងចិត្ត។