ជារៀងរាល់ឆ្នាំ ទាំងពលករនិងអ្នកសុំទានខ្មែរមិនតិចជាងពីរសែននាក់ទេ បានចាកចេញទៅរស់នៅក្នុងទឹកដីនៃប្រទេសថៃ ទាំងស្របច្បាប់និងទាំងមិនស្របច្បាប់ ហើយដែលត្រូវអាជ្ញាធរថៃចាប់ខ្លួន និងធ្វើទារុណ្ឌកម្ម មុននឹងបញ្ជូនមកប្រទេសកម្ពុជាវិញ ជាពិសេសតាមច្រកព្រំដែនអន្តរជាតិប៉ោយប៉ែត ខេត្តបន្ទាយមានជ័យ។ ប៉ុន្តែ ទោះជាយ៉ាងនេះក្តី ប្រជាជនខ្មែរ ដែលមានជីវភាពក្រីក្រតោកយ៉ាក នៅតែបន្តប្រថុយធ្វើដំណើរទៅរកស៊ី និងធ្វើការដោយលួចលាក់ នៅលើទឹកដីថៃ ដែលចំនួននេះ កាន់តែមានការកើនឡើងពីមួយថ្ងៃទៅមួយថ្ងៃ។ និន្នាការនៃការធ្វើចំណាកស្រុករបស់ប្រជាពលករ និងអ្នកសុំទានខ្មែរ នាពេលបច្ចុប្បន្ននេះកំពុងធ្វើអោយអង្គការសង្គមស៊ីវិលក៏ដូចជារដ្ឋាភិបាលកម្ពុជាកំពុងមានការព្រួយបារម្ភអំពីសិទ្ធិ និងសុវត្ថិភាពរបស់ពួកគេ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ