បក្សប្រឆាំង និងសង្គមស៊ីវិលថាសារាចររបស់ប្រធានសភាមានភាពស្មុគស្មាញ
ក្រោយពេល សារាចរដែលរឹតបន្តឹងបែបបទការងាររបស់គណៈកម្មាធិការទាំង១០ ក្នុងគោលបំណងការពារ និងរក្សាសណ្តាប់ធ្នាប់ក្នុងបរិវេណរដ្ឋសភា បានផ្សព្វផ្សាយកាលពីថ្ងៃទី១២ កញ្ញា មក សង្គមស៊ីវិលនិងគណបក្សប្រឆាំងក៏បានចាត់ទុកថាជាសារាចរ ដែលរឹតត្បិតសេរីភាពរបស់ប្រជាពលរដ្ឋ ក្នុងការជួបជាមួយអ្នកតំណាងរាស្ត្ររបស់ខ្លួន។
ចុះផ្សាយនៅថ្ងៃ៖
ស្តាប់ - ០២:០៨
សង្គមស៊ីវិលមួយចំនួនធំ និងគណបក្សប្រឆាំង បានប្រតិកម្មទៅលើសារាចរ ដែលចេញដោយគណៈកម្មាធិការរដ្ឋសភាកាលពីថ្ងៃទី១២នោះ លោកយ៉ែម បុញ្ញារិទ្ធ ក៏បានប្រតិកម្មនឹងសារាចរនេះផងដែរ។ លោកបានកត់សម្គាល់ថា បែបបទនេះ អាចធ្វើឲ្យមានការប៉ះពាល់ដល់សិទ្ធសេរីភាពក្នុងការជូនព័ត៌មានទៅកាន់ប្រជាពលរដ្ឋ ឬតម្លាភាព និងគណន័យភាពរបស់តំណាងរាស្ត្រ។ ក្រៅពីនេះ វាអាចប៉ះពាល់ដល់ សិទ្ធិរបស់អ្នកតំណាងរាស្ត្រក្នុងការទទួលពាក្យដោះបណ្តឹងរបស់ប្រជាពលរដ្ឋ។
លោកហង្ស ពុធ្ធា នាយកប្រតិបត្តិអង្គការនិចហ្វិក បានបានកត់សម្គាល់ដែរថា សារាចរនេះអាចជាវិធានការថ្មីមួយរបស់ប្រធានរដ្ឋសភាក្នុងការពង្រឹងសមត្ថភាពរបស់ខ្លួន ដើម្បីគ្រប់គ្រងស្ថានការនៅក្នុងរដ្ឋសភា។ ដោយសារតែកន្លងមកមានតំណាងរាស្ត្រ ក្នុងគណៈកម្មាធិការទី១ របស់រដ្ឋសភាបានអញ្ជើញតំណាងប្រជាពលរដ្ឋដែលមានជម្លោះដីធ្លី ចូលជជែកពិភាក្សាជាមួយដោយមិនមានការអនុញ្ញាតពីប្រធានរដ្ឋសភា។
ការរឹតបន្តឹងនេះវាជារឿងមួយហើយដើម្បី ឲ្យរដ្ឋសភាមានសណ្តាប់ធ្នាប់។ ប៉ុន្តែលោក យ៉ែម បុញ្ញារិទ្ធក៏បានអំពាវនាវឲ្យរដ្ឋសភាពពិចារណាឡើងវិញ ចំពោះការបើកសវនាការណាមួយ គួរតែរដ្ឋសភាអនុញ្ញាតឲ្យមានការចូលរួមពីសង្គមស៊ីវិល ឬពីប្រជាពលរដ្ឋ។ លោកកត់សម្គាល់ថា រហូតមកដល់ពេលនេះ តំណាងរាស្ត្ររបស់គណបក្សប្រឆាំងក៏កំពុងតែចាត់វិធានការដោះស្រាយបញ្ហានេះដែរ ដោយការធ្វើវិសោធកម្មបទបញ្ជាផ្ទៃក្នុងរបស់សភា។
មិនសុខគ្នាប៉ុន្មានពីការលើកឡើងរបស់លោកយ៉ែម បុញ្ញារិទ្ធនោះទេ។ លោក ហង្ស ពុធ្ធា ក៏បានកត់សម្គាល់ថា សភាជាតំណាងរបស់រាស្ត្រ និងតំណាងការសម្រេចចិត្តរបស់ប្រជាពលរដ្ឋ ហេតុដូច្នេះ មិនគួរមានការរឹតបន្តឹងបែបនេះកើតឡើងនៅក្នុងរដ្ឋសភានោះទេ។ ចំណែកឯតំណាងរាស្ត្រមិនទាន់មានប្រតិកម្មយ៉ាងណានោះទេចំពោះបញ្ហាសារាចរនេះ។
គួរបញ្ជាក់ផងដែរថា សារាចរណែនាំស្តីពីបែបបទការងាររបស់គណៈកម្មការនានានៃរដ្ឋសភា ដែលចេញនៅថ្ងៃទី១២ ខែកញ្ញា ឆ្នាំ២០១៤ បានបង្ហាញពីការណែនាំបែបបទរដ្ឋបាល ក្នុងការអនុវត្តការងារដែលមានចំណុចពាក់ព័ន្ធ នឹងការប្រជុំពិនិត្យសេចក្តីព្រាងច្បាប់ និងសេចក្តីស្នើច្បាប់ ការប្រជុំសុំការបំភ្លឺជុំវិញការអនុវត្តច្បាប់ ការប្រជុំផ្សេងៗរបស់គណៈកម្មការ និងការរក្សាសណ្តាប់ធ្នាប់ក្នុងបរិវេណរដ្ឋសភា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ