នាយករដ្ឋមន្ត្រីកម្ពុជាអំពាវនាវទៅកាន់កូរ៉េខាងជើង និងស៊ីរីក្នុងរឿងអាវុធប្រល័យលោក
ក្នុងពិធីសម្ពោធបើកការដ្ឋានសាងសង់ផ្សារទំនើបដ៏ធំ របស់ក្រុមហ៊ុនជប៉ុន ដែលមានទុនជាង ២០០ លានដុល្លារ ក្នុងទីក្រុងភ្នំពេញ នាព្រឹកថ្ងៃទី១០ ខែធ្នូនេះ លោកនាយករដ្ឋមន្ត្រី ហ៊ុន សែន ក្នុងនាមជាប្រធានអាស៊ាន ជិតផុតអាណត្តិ បានប្រកាសសេចក្តីអំពាវនាវផ្ទាល់មាត់ ទៅកាន់ប្រទេសកូរ៉េខាងជើង ឲ្យបោះបង់គំនិត ចង់បាញ់សាកល្បងរ៉ុកែត មីស៊ីល។
ចុះផ្សាយនៅថ្ងៃ៖
លោកនាយករដ្ឋមន្ត្រី ហ៊ុន សែន ក៏បានអំពាវនាវផងដែរទៅកាន់របបដាម៉ាស់ របស់លោក អាសាធ ប្រធានាធិបតី ប្រទេសស៊ីរី កុំឲ្យប្រើប្រាស់អាវុធគីមី ប្រឆាំងនឹងក្រុមប្រឆាំង។
នៅព្រឹកមិញ លោកនាយករដ្ឋមន្ត្រី ក៏បានបង្ហើបឲ្យដឹងថា រដ្ឋមន្ត្រីការបរទេសអាស៊ាន ទាំង ១០ ប្រទេស មិនអាចរកឯកភាពគ្នា ដើម្បីចេញសេចក្តីប្រកាសមួយរបស់អាស៊ាន ប្រឆាំងនឹងគម្រោងបាញ់មីស៊ីល នៅកូរ៉េខាងជើង ដោយលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេសកម្ពុជា ក្នុងឋានៈជាប្រធានអាស៊ាន ជិតផុតអាណត្តិ បានព្យាយាមស្វែងរកឯកភាពគ្នា ក្នុងសំឡេងជារដ្ឋមន្ត្រីការបរទេសអាស៊ាន រយៈពេល ១ សប្តាហ៍មកហើយ ដោយគ្មានលទ្ធផល។
ដូច្នេះលោកនាយករដ្ឋមន្ត្រី ហ៊ុន សែន ក្នុងនាមជាប្រធានអាស៊ានផង និងក្នុងនាម ជាប្រមុខរដ្ឋាភិបាលកម្ពុជាផង មានសិទ្ធិក្នុងការធ្វើសេចក្តីថ្លែងការណ៍ ស្តីពីបញ្ហាកូរ៉េខាងជើង និងបញ្ហានៅស៊ីរី ដើម្បីឲ្យបញ្ឈប់ការប៉ុនប៉ងប្រើប្រាស់អាវុធប្រល័យលោក ដែលលោកថា អាចនឹងនាំមហន្តរាយដល់បណ្តាប្រទេសនានា ក្នុងតំបន់ និងពិភពលោក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ