លោកបណ្ឌិត ដេត សុខឧត្តម៖ សាលាហ្សាម៉ាន់ ទោះបីមានស្ថាបនិកជនជាតិតួកគី តែជាសាលារបស់កម្ពុជា
ចុះផ្សាយនៅថ្ងៃ៖
ស្តាប់ - ០៩:១៣
ការប៉ុនប៉ងរដ្ឋប្រហារយោធាបរាជ័យ កាលពីថ្ងៃទី១៦ កក្កដា នៅប្រទេសតួកគី បានជះឥទ្ធិពលភ្លាមៗដល់ប្រទេសកម្ពុជា។ តាមរយៈ ឯកអគ្គរដ្ឋទូត តួកគី ប្រចាំកម្ពុជា បានចោទប្រកាន់ ថា សាលាហ្សាម៉ាន់ មានទំនាក់ទំនងនឹង រដ្ឋប្រហារយោធា ហើយស្នើអោយរដ្ឋាភិបាលកម្ពុជា បញ្ឈប់សកម្មភាពរបស់សាលានេះ។ លោកបណ្ឌិត ដេត សុខឧត្តម សាកលវិទ្យាធិការរង ផ្នែកកិច្ចការសិក្សាធិការ សាកលវិទ្យាល័យ ហ្សាម៉ាន់ បាន ច្រានចោលការយល់ច្រឡំនេះ ដែលបានប៉ះពាល់ដល់កិត្តិយសសាលា ហើយទាមទារអោយ លោកឯកអគ្គរដ្ឋទូត បង្ហាញភស្តុតាងជាក់លាក់។ លោក ជឿជាក់ថា រដ្ឋាភិបាលកម្ពុជា នឹងជ្រាបពី ភាពស្អាតស្អំរបស់ សាលាហ្សាម៉ាន់ ហើយមិនចាត់វិធានការណ៍បិទប្រតិបត្តិការណ៍របស់សាលាឡើយ។
