សមត្ថកិច្ចទទួលស្គាល់ថា ពិបាកក្នុងការគ្រប់គ្រងអាវុធ
នគរបាលយុត្តិធម៌ និងស្ថាប័នតុលាការ នៅថ្ងៃទី២២ ធ្នូនេះ បានបើកកិច្ចប្រជុំស្តីពីកិច្ចសហការអនុវត្តច្បាប់ក្នុងការពង្រឹងសន្តិសុខសាធារណៈបង្ការ និងបង្ក្រាបបទល្មើសព្រហ្មទណ្ឌ។ ជាកិច្ចប្រជុំដែលធ្វើឡើងក្រោយពេលដែលករណីប្លន់ប្រដាប់អាវុធបានកើតឡើងជាច្រើននៅរយៈពេលចុងក្រោយនេះ។ យ៉ាងណាក៏ដោយ សមត្ថកិច្ចបានទទួលស្គាល់ថា រដ្ឋាភិបាលពិបាកក្នុងការគ្រប់គ្រងអាវុធដែលជាមធ្យោបាយក្នុងការប្រព្រឹត្តបទល្មើស។
ចុះផ្សាយនៅថ្ងៃ៖
ស្តាប់ - ០២:៣០
រដ្ឋាភិបាលបានទទួលស្គាល់ថា ខ្លួនពិបាកគ្រប់គ្រងអាវុធជាតិផ្ទុះដែលជាមធ្យោបាយប្រព្រឹត្តបទល្មើសប្លន់សម្លាប់ កំពុងតែកក្រើកនៅកម្ពុជានាពេលថ្មីៗនេះ។ ថ្លែងទៅកាន់អ្នកសារព័ត៌មានក្រោយកិច្ចប្រជុំអន្តរក្រសួង លោក ម៉ក ជីតូ អគ្គស្នងការនគរបាលជាតិបានឲ្យដឹងថា៖ បើតាមមន្ត្រីនគរបាលយុត្តិធម៌រូបនេះ អាវុធដែលប្លន់សព្វថ្ងៃគឺភាគច្រើនចេញពីប្រភពចរាចរណ៍ខុសច្បាប់និងចេញពីទីផ្សារងងឹត ព្រមទាំងជាអាវុធសល់ពីសង្គ្រាម។ លោកម៉ក់ ជីតូ បានបង្ហើបឱ្យដឹងថា ដើម្បីបង្ការ និងទប់ស្កាត់ការលក់អាវុធ និងការប្រើប្រាស់អាវុធខុសច្បាប់នេះ ក្រសួងមហាផ្ទៃចាប់ពីឆ្នាំ២០១៦តទៅ ក្រសួងនឹងចេញជាបទដ្ឋានណែនាំឱ្យមានការត្រួតពិនិត្យ និងគ្រប់គ្រងអាវុធតាមលក្ខណៈវិទ្យាសាស្ត្រដោយយកសំបកគ្រាប់កាំភ្លើង យកមកចុះបញ្ជីទាំងអស់។ ការធ្វើបែបនេះ គឺដើម្បីឱ្យដឹងថា កាំភ្លើង ដែលត្រូវបានប្រើប្រាស់ខុសច្បាប់នោះ ចេញពីប្រភពណា។
ទន្ទឹមនឹងមានការលើកឡើងថា ការចរាចរណ៍អាវុធខុសច្បាប់នៅកម្ពុជា គឺចេញពីមន្ត្រីយោធា លោក ហុង វិណុល អ្នកនាំពាក្យកងរាជអាវុធហត្ថបានលើកឡើងថា តាមការចាប់បានអាវុធខុសច្បាប់នាពេលកន្លងមក មិនដែលមានករណីណាជាប់ពាក់ព័ន្ធនឹងមន្ត្រីយោធា ឬកងរាជអាវុធហត្ថដែលជាស្ថាប័នសំបូរអាវុធនោះឡើយ។
សូមកត់សំគាល់ថា ករណីប្លន់បាញ់សម្លាប់នៅចុងឆ្នាំ២០១៥នេះ បានកើនផ្ទួនៗគ្នា បានធ្វើឱ្យមានការភ័យខ្លាចយ៉ាងខ្លាំង។ ប៉ុន្តែលោក ម៉ក់ ជីតូ អគ្គស្នងការរងនគរបាលជាតិ បានអះអាងថា ករណីប្លន់ និងឧក្រិដ្ឋនៅឆ្នាំ២០១៥នេះ គឺបានថយប្រមាណ១៤ភាគរយ។ ពោលគឺនៅឆ្នាំ២០១៥នេះ មានករណីបទល្មើសទាំងអស់ប្រមាណជាង២ពាន់៩រយករណី (២,៦៥៣)។
បើទោះបីជាបែបណាក៏ដោយ ករណីប្លន់ប្រដាប់អាវុធនាពេលបច្ចុប្បន្នកំពុងតែយាយី និងបង្កឱ្យមានការភ័យខ្លាចយ៉ាងខ្លាំងទៅដល់ពលរដ្ឋដែលទាមទារឱ្យមានការយកចិត្តទុកដាក់ពីសមត្ថកិច្ច និងការគ្រប់គ្រងអាវុធជាតិផ្ទុះឱ្យមានប្រសិទ្ធភាពបំផុត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ