គ្រប់ភាគីកំពុងរងចាំធ្វើការជាមួយអ្នករាយការណ៍ពិសេសថ្មីជាស្រ្តី ខណៈបរិបទនយោបាយប្រែប្រួល
ចុះផ្សាយនៅថ្ងៃ៖
ស្តាប់ - ០៩:១៥
លោកស្រី រ៉ូណា ស្មីត អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជាដែលទើបនឹងតែងតាំងថ្មី បានមកបំពេញទស្សនកិច្ចផ្លូវការនិងជាលើកដំបូងនៅកម្ពុជា ចាប់ពីថ្ងៃចន្ទទី១៨ឧសភានេះ រហូតដល់ថ្ងៃទី២២ឧសភា ដើម្បីពិនិត្យមើលដោយផ្ទាល់ពីស្ថានភាពសិទ្ធិមនុស្សនៅកម្ពុជា។ អ្វីជាការកត់សំគាល់ អ្នករាយការណ៍ពិសេសស្តីពីសិទ្ធិមនុស្សនៅកម្ពុជាទី៦នេះ គឺជាស្រ្តីភេទដែលគេរំពឹងថា លោកស្រីនឹងធ្វើឱ្យមន្រ្តីរដ្ឋាភិបាលជឿទុកចិត្ត និងផ្តល់នូវកិច្ចសហការប្រសើរជាងអ្នករាយការណ៍មុនៗ ដែលតែងតែទទួលរងនូវការរិះគន់ និងវាយបកវិញ ពីមន្រ្តីរដ្ឋាភិបាល ទៅលើរបាយការណ៍ស្តីពីសិទ្ធិមនុស្សនៅកម្ពុជា។