លោក ថាច់ សេដ្ឋា ៖ មហាបាតុកម្ម គឺមិនមែនដើម្បីកាងការពារបុគ្គល លោក កឹម សុខា ឬ លោក សម រង្ស៊ី នោះទេ!
ចុះផ្សាយនៅថ្ងៃ៖
ស្តាប់ - ១១:២៤
ភ្ញៀវប្រចាំថ្ងៃរបស់វិទ្យុបារាំងនៅរាត្រីនេះ គឺលោក ថាច់ សេដ្ឋា ដែលជាអ្នកនាំពាក្យសម្រាប់ ការរៀបចំធ្វើមហាបាតុកម្ម របស់គណបក្សសង្គ្រោះជាតិ និងជាសមាជិកគណៈកម្មាធិការអចិន្ត្រៃយ៍របស់បក្សប្រឆាំង ព្រមទាំងជាអតីតសមាជិកព្រឹទ្ធសភា។ លោក ថាច់ សេដ្ឋា បានលើកឡើងថា បក្សកាន់អំណាចជាអ្នកបិទផ្លូវចរចាគ្រប់ច្រកទាំងអស់! ចំណែកច្រកចរចានៅសភានោះ គឺទៅមិនរួចទេ ប្រសិនបើគ្មានការដោះស្រាយសម្រួលរឿងក្តីក្តាំរបស់តុលាការទៅលើសមាជិកនិងថ្នាក់ដឹកនាំបក្សប្រឆាំង។ទន្ទឹមនឹងនេះ លោកបញ្ជាក់ថា បើបក្សសង្គ្រោះជាតិ ធ្វើមហាបាតុកម្មទូទាំងប្រទេស គឺមិនមែនដើម្បីកាងការពារបុគ្គល លោក កឹម សុខា ឬ លោក សម រង្ស៊ី នោះទេ គឺដើម្បីការពារច្បាប់ និងរដ្ឋធម្មនុញ្ញ។ បើតាមលោក ថាច់ សេដ្ឋា, បក្សសង្គ្រោះជាតិនៅតែរក្សាគោលជំហនយោបាយ និងរចនាសម្ព័ន្ធដឹកនាំបក្សដដែល ពោលគឺក្បាលម៉ាស៊ីនដឹកនាំរបស់បក្សប្រឆាំង គ្មានការផ្លាស់ប្តូរដាក់នរណាជំនួសនោះទេ។