ព្រឹត្តិការណ៍កម្ពុជាប្រចាំថ្ងៃ
គុណភាពផ្លូវនិងការជួសជុលផ្លូវ ត្រូវបានចាប់ផ្តើមលាងសម្អាតដោយរដ្ឋមន្ត្រីដឹកជញ្ជូនថ្មី
ចុះផ្សាយនៅថ្ងៃ៖
ស្តាប់ - ១០:០៤
បញ្ហាគុណភាពផ្លូវថ្នល់នៅក្នុងប្រទេសកម្ពុជា វាជារឿងមួយដែលមានសភាពរ៉ាំរ៉ៃជាយូរមកហើយ ហើយមិនមានការដោះស្រាយឲ្យបានច្បាស់លាស់ បើទោះណាជាកម្ពុជាមានក្រសួងសម្រាប់ធ្វើផ្លូវ គ្រប់គ្រងផ្លូវ និងជួសជុលផ្លូវក៏ដោយ។ ក៏ប៉ុន្តែមានតែឆន្ទៈមោះមុត ក្នុងការគ្រប់គ្រងនិងអនុវត្តទេ ដែលអាចគេចផុតពីការរិះគន់បាន។ កាលពីម្សិលមិញ លោក ស៊ុន ចាន់ថុល រដ្ឋមន្ត្រីក្រសួងសាធារណៈការថ្មី ដែលនិយមការកែទម្រង់ប្រកបដោយប្រសិទ្ធភាព បានប្រកាសនៅខេត្តព្រះសីហនុ ច្បាស់ៗថា លោក ក៏ដូចលោកនាយករដ្ឋមន្ត្រី មិនអាចទទួលបានទៀតទេនូវការរិះគន់អំពីផ្លូវថ្នល់។