ការរឹតបន្តឹងច្បាប់និងប្រព័ន្ធយុត្តិធម៌ ទើបអាចឈានទៅបញ្ចប់ការបាញ់បោះសេរី
ចុះផ្សាយនៅថ្ងៃ៖
ស្តាប់ - ០៨:១២
សំណុំរឿងចំនួនពីរដែលបានកើតឡើងយ៉ាងកក្រើកប្រទេសមួយរយៈចុងក្រោយនេះ បានធ្វើឲ្យមហាជនមានការចាប់អារម្មណ៍និងតាមដានយ៉ាងយកចិត្តទុកដាក់យ៉ាងខ្លាំង។ ប្រធានរឿងទាំងពីរនោះគឺ ទីមួយការបាញ់គំរាមប៉ូលីសចរាចរណ៍អស់៣៣គ្រាប់របស់អ្នកមានលុយមួយរូបនៅខេត្តកំពង់ស្ពឺ។ ទីពីរគឺការបាញ់រះដោយកាំភ្លើងស្វ័យប្រវត្តិដោយកូនមន្ត្រីគយដ៏មាន មានអំណាចនិងលុយ នៅក្លិបកម្សាន្តរ៉ុក។ ករណីទាំងពីរនេះ បច្ចុប្បន្នកំពុងស្ថិតនៅក្នុងចំណាត់ការរបស់តុលាការនៅឡើយ។ នេះមិនទាន់គិតពីករណីបន្ទាប់បន្សំមួយចំនួនទៀត ដែលមានការប្រើប្រាស់កាំភ្លើង ហើយច្បាប់ហាមឃាត់មួយចំនួនទៀតផង។ អ្វីដែលជាការរិះគន់នោះ គឺ ការព្រួយបារម្ភពីការចូលមន្ទីរឃុំឃាំងខាងទ្វារមុខហើយចេញតាមទ្វារក្រោយ ដោយគ្រាន់តែជាប់ឃុំជានិមិត្តរូបតែរយៈពេលខ្លីប៉ុណ្ណោះ។
