លោក ស្រ៊ុន ដារិទ្ធិ៖ “ដីសម្បទានដែលរដ្ឋរឹបអូសមកវិញ មិនមែនជាដីដែលក្រុមហ៊ុនបានកាប់បំផ្លាញដូចការចោទប្រកាន់នោះទេ”
ចុះផ្សាយនៅថ្ងៃ៖
ស្តាប់ - ១១:១៤
រដ្ឋាភិបាលកម្ពុជា បានសម្រេចជាគោលការណ៍លុបចោលការជួលដីសម្បទានឱ្យក្រុមហ៊ុនរយៈពេល ៩៩ឆ្នាំ ឬ៨០ឆ្នាំ មកនៅត្រឹមតែ៥០ឆ្នាំ។ ក្រៅពីនេះ ក្រសួងបរិស្ថាន បានដកហូតដីសម្បទានមកពីក្រុមហ៊ុនឯកជន ប្រមាណជាង ៩ម៉ឺនហិកតា ហើយក្រុមហ៊ុនដែលមានផ្ទៃដីប្រមាណជាង៣ម៉ឺនហិកតា ក៏បានប្រគល់ជូនរដ្ឋវិញដែរ។ ដូចនេះ ភ្ញៀវប្រចាំថ្ងៃរបស់វិទ្យុបារាំងអន្តរជាតិRFI នៅថ្ងៃអង្គារទី២៨ ខែកក្កដានេះ គឺលោកស្រ៊ុន ដារិទ្ធិ នាយខុទ្ទកាល័យក្រសួងបរិស្ថាន។ ឆ្លើយតបចំពោះការចោទប្រកាន់ថា ផ្ទៃដីដែលរដ្ឋរឹបអូសពីក្រុមហ៊ុនកន្លងមកគឺផ្ទៃដីដែលត្រូវកាប់ឆ្ការយកព្រៃអស់នោះ លោកស្រ៊ុន ដារិទ្ធិ បានប្រតិកម្មថា នោះជាការចោទប្រកាន់មិនពិតនោះទេ។