លោកសុក សំអឿន៖“ការមិនឆ្លើយមិនឆ្លងរបស់លោកកឹម សុខាមិនប្រាកដថាជាការទទួលយកទេ”
ចុះផ្សាយនៅថ្ងៃ៖
ស្តាប់ - ១០:៤១
នៅថ្ងៃទី២២ មីនានេះ អង្គភាពប្រឆាំងអំពើពុករលួយ បានចាប់ផ្តើមការពិនិត្យកោសល្យវិច្ច័យទៅលើខ្សែអាត់សំឡេងដែលគេសង្ស័យថាជារបស់លោក កឹម សុខា សន្ទនាជាមួយគូស្នេហ៍។ អង្គភាពប្រឆាំងអំពើពុករលួយ កំពុងតែពិនិត្យលើទិដ្ឋភាពផ្លូវច្បាប់ថាតើករណីលោកកឹម សុខា ស្ថិតនៅក្រោមដែនអំណាចរបស់អង្គភាពដែរឬទេ។ ដូចនេះភ្ញៀវប្រចាំថ្ងៃរបស់វិទ្យុបារាំងអន្តរជាតិនៅពេលនេះ គឺលោកមេធាវី សុក សំអឿន។ ប្រធានក្រុមអ្នកច្បាប់ការពារសិទ្ធិមនុស្សកម្ពុជារូបនេះ បានលើកឡើងថា ការមិនឆ្លើយ មិនឆ្លងរបស់លោក កឹម សុខាបន្ទាប់ពីមានការបែកធ្លាយសំឡេងខ្សែអាត់នោះមិនមានន័យថា លោកកឹម សុខាទទួលយកនោះទេ ប៉ុន្តែលោកកឹម សុខា ប្រធានស្តីទីគណបក្សសង្គ្រោះជាតិរូបនេះមិនចង់ពាក់ព័ន្ធតែប៉ុណ្ណោះ។